Дар Ӯзбекистон азонро ба масҷидҳо баргардониданд
Ҳукумати Ӯзбекистон ба масҷидҳои калони кишвар аз баландгӯяк азон гуфтанро иҷозат додааст, дар ин хусус сомонаи Azon.uz хабар медиҳад. Тибқи иттилои манбаъ, алҳол азонро аз масофаи 300-500 метр аз масҷид шунида мешавад.
«Масҷиде, ки дар маҳаллаи мост азонро аз баландгӯяк гуфтанро шурӯъ кардааст. Ҳоло садои азон ва мавъизаи рӯзи ҷумъаи имомон аз 300 метр шунида мешавад. Даъват ба намози бомдод хуб шунаво аст, вале рӯзона аз сабаби ғавғои нақлиётҳо садои азонро шунидан мушкил мебошад. Ман бо диндорон ҳамсӯҳбат шудам ва онҳо ба ман хабар доданд, ки садои азон аз баландгӯяк дар масҷидҳои пойтахт, «Минор», «Тиллошайх», «Бодомзор», «Ислом ота», «Илон ота» ва «Катта каъна» хонда шуд, гуфт хабарнигори радиои Озодӣ.
Ёдрас бояд кард, ки то ба наздикӣ дар Ӯзбекистон азон дар даруни масҷид хонда мешуд, то ин ки садояшро танҳо намозгузорон бишунаванд.
Таҳлилкунандагон қайд мекунанд, ки маҷмӯъи ислоҳотҳо дар соҳаи дин аз тарафи раисҷумҳури нав Шавкат Мирзиёев дароварда шуда, табиати косметикӣ дорад ва эҳтимол аст, ба ҷои он ки дигаргуниҳои воқеӣ дар кишвар рух диҳад, баръакс мақсади маъруфият пайдо кардан мебошад.
