Биное, ки ба он ташрифи Раҳмон дар назар дошта шудааст ба маблағи $500 ҳазор доллар таъмир карда шуд

Ба хотири ташрифи Раҳмон ба вилояти Суғд барои таъмири биное, ки ба он раисҷумҳур ташриф меорад ба маблағи зиёда аз $500 ҳазор доллари ИМА сарф карда шуд, ки маблағи мазкур аз буҷаи маҳаллӣ ҷудо карда шудааст. Санаи 16-уми ноябр бо иштироки раисҷумҳур Раҳмон дар қасри Арбоби шаҳри Хуҷанд ҷамъомади тантанавӣ бахшида ба 25 солагии 16-умин иҷлосияи таърихии Шӯрои Олӣ  баргузор мегардад, хабар медиҳад ОИ «Азия-плюс» такя ба манбаи худ дар ҳукумат.

Бояд қайд намуд, ки Раҳмон кайҳо инҷониб бо сафарҳояш дар минтақаҳои кишвар бо сарфи гаронбаҳои маблағҳои буҷавӣ маъруфият пайдо кардааст. Ғайр аз ин, ба хотири Раҳмон идонаҳои дабдабанок, намоишҳои театровӣ бо иштироки ҳунармандон ва мактаббачагони маҳаллӣ ташкил карда мешавад. Мактаббачагонро маҷбур мекунанд, то ин ки дар хусуси раисҷумҳур мадҳияҳо ва шеърҳои таърифӣ бихонанд. Дар вақти вохӯри бо Пешвои миллат ҳама бояд даст бар сина гузоранд.

Дар робита бо ин, бояд ёдрас кард, ки каме пеш ташкилоти хайриявӣ  Ҳилоли аҳмар ба мӯҳтоҷони вилояти Суғд колоҳо барои қонеъгардонии эҳтиёҷҳои зарурӣ пешкаш намуд. Яъне, вақте ки дар кишвар оммаи мардум имконияти қонеъкунии эҳтиёҷҳои заруриро надорад, ҳукуматҳои маҳаллӣ бошад барои як вохӯрии идонаи Раҳмон маблағҳои афсонавиро сарф менамоянд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.