Дар Тоҷикистон барои таҳвили сим кортҳо ҷавобгарии ҷиноӣ дароварда шуд
Эмомалӣ Раҳмон иловаҳое, ки ба Кодекси ҷиноӣ ва кодекси ҳуқуқвайронкунии маъмурӣ дароварда шудааст имзо намуд, минбаъд таҳвили сим кортҳои мобилӣ бо мақсадҳои гӯён экстремизм ва терроризм истифода бурдан ба ҷавобгарии ҷиноӣ кашида мешавад, дар ин хусус хадамоти матбуотии раисҷумҳур иттило дод.
Акнун, ашхосе, ки сим кортҳои худро ба касоне барои ҷиноят истифода бурдан медиҳанд ба ҷавобгарӣ кашида хоҳанд шуд. Айни замон тибқи қарори ҳукумати Тоҷикистон «Дар бораи тартиб ва талаботи пайвастшавӣ ба шабакаи алоқаи барқӣ ва хидматрасониҳои вобаста ба он”, кампанияи оид ба азнавбақайдгирии маҷбурии сим кортҳо бо шиносномаи нав то санаи 15-уми августи соли 2019 гузаронида мешавад. Сим кортҳое, ки соҳибони он барои ба азнавбақайдгирӣ дар вақташ муваффақ шуда натавонанд қатъ карда мешавад.
Мутахассисон бар он ақидаанд, ки чунин тасвият, яъне бо мақсадҳои экстремистӣ ва террористӣ истифода бурдани сим кортҳо маънои онро дорад, ки ҳукумат қарор намуд назорати пурра аз болои соҳаи информатсионии вуҷуд доштаро боз ҳам шадидтар намояд. Зеро ба ҳамагон маълум аст, ки барои мардуми кишвар интернет ягона манбаест, ки аз он маълумоти воқеӣ ва дуруст гирифта мешавад, бинобар ин интернет барои режими кунунӣ хатари ҷиддӣ мебошад.
Ёдрас мекунем, ки ҳукумати Тоҷикистон тайи солҳои ахир сиёсати марказонидашуда оиди душвор намудани дастрасшавии интернет ба мардум гузаронида истодааст, хусусан, моҳи апрели соли ҷорӣ ҳукумат кӯшиш намуда буд нархи интернетро ду баробар афзоиш диҳад, вале, пас аз авҷ гирифтани кампанияи пурвусъати алайҳи қарори қабул кардаи режим, хукумат маҷбур шуд қарори қабул кардаашро бекор намояд.
