Ҳукумати Қазоқистон ду нафар қазоқҳоро ба Чин боздод хоҳад кард

Ҳукумати Қазоқистон ду нафар қазоқҳои нажодиро, ки аз сабаби истибдоди ҳукумати Чин аз Қазоқистон паноҳгоҳ пурсида буданд ба Чин боздод хоҳад кард. Дар ин хусус сомонаи КазТаг ба муовини сардори Кумитаи Амнияти Миллии ҶҚ — сардори хадамоти сарҳадии КАМ ҶҚ Дархан Дилманов такя карда иттило медиҳад.

«Тибқи созишномаи марбут, ки статуси санади тасдиқ шударо дорад, пас аз ба итмом расидани ҷараёнҳои судӣ, инчунин ҷавобгариҳои ҷиноӣ, шахрвандони мазкурро хоҳ шаҳрвандони Чин бошад, хоҳ дигар мо ба кишвари хориҷ боздод хоҳем кард. Яъне, дар ҳолати зерин мо тибқи хати намояндагии сарҳадӣ шаҳрвандонро ба Ҷумҳурии Мардумии Чин боздод менамоем. Бинобар ин, истиқомати шахсони мазкур, ҳарчанд дар қаламрави мазкур қарор дошта бошанд ҳам, мумкин нест», — иттило дод Дилманов ба хадамоти матбуотии КАМ.

Ёдрас мекунем, ки Кастер Мусаканугли ва Мурагер Алимугли қазоқҳои нажодӣ буда, шаҳрвандони Чин мебошанд, ки санаи 1-уми октябр аз зулми Чин ба Қазоқистон паноҳгоҳ талаб карданд. Ба гуфтаи онҳо, бо сабаби таъқиби мусулмонон аз тарафи ҳукумати Чин дар қаламрави истило шудаи Туркистони шарқӣ (Шинҷон) маҷбур шуданд фирор кунанд. Санаи 10-уми октябр ҷавонон бо мақсади таслим шудан, ҳодисаҳои бо онҳо рух додаро нақл намуда, аз Қазоқистон паноҳгоҳи сиёсӣ пурсидан ба шаҳри Алмаато омадаанд. Сипас ҳар ду ҷавон ба ҳабс гирифта шуд. Санаи 19-уми ноябр дар конфронси-матбуотие, ки дар шаҳри Нур Султон баргузор гардид, ҳимоятгар Ляззат Ахатова ба хабарнигорон иттило додааст, ки ба қазоқҳои нажодии фироршуда — Кастер Мусаканугли ва Мурагер Алимугли агар боздод шаванд онҳоро ҳукми қатл интизор аст.

Бо вуҷуди ҳамаи ин, ҳукумати Қазоқистон хунсардона ду нафар гурезаҳоро барои даррондан тайёр аст ба ҳукумати Чин боздод намояд.