Ғайбшавии маҳкумшудагон пас аз заҳролудшавӣ дар вақти интиқол аз шаҳри Хуҷанд

Ғайбшавии маҳкумшудагон пас аз заҳролудшавӣ дар вақти интиқол аз шаҳри Хуҷанд
Бибисоҷ Раҳимова

Наздикони маҳкумшудагоне, ки санаи 7-уми июл аз шаҳри Хуҷанд ба Душанбе интиқол карда шудаанд, дар хусуси ҷои зисти наздиконашон маълумот пайдо карда наметавонанд, дар ин хусус радиои Озодӣ иттило медиҳад.

Бибисоҷ Раҳимова ба хабарнигорон иттило додааст, ки писараш Субҳон Қурбонов дар колонияи шаҳри Хуҷанд адои ҷазо менамуд. «Писарам дар онҷо нест. Дар колония ба ман хабар доданд, ки ӯ бо як гурӯҳи калони маҳкумшудагон ба шаҳри Душанбе интиқол карда шуд», гуфт модари маҳкумшуда.

«Ман аллакай ба шаҳри Хуҷанд, Душанбе ва Бохтар рафтам бо кормандони зиндонҳо ҳамсӯҳбат шудам, вале дар хусуси ҷои зисти ӯ ва дар чи ҳолат будани писарам маълумот пайдо карда натавонистам», нақл намуд Бибисоҷ Раҳимова.

Бибисоҷ Раҳимова ба монанди дигар наздикони маҳкумшудагони интиқол шуда, пас аз заҳролудшавӣ ва фавтидани 14 маҳкумшудагон ба кофтукови писараш шурӯ намуд. «Намедонам,  оё зинда бошад, оё меёфта бошам? Дар рӯйхати фавтидагон ӯ қайд нашудааст. Дар Хуҷанд ба ман гуфтанд, ки ӯро зинда ва солим ба шаҳри Душанбе интиқол намуданд. Дар зиндонҳои пойтахт ба ман гуфтанд, ки маълумот дар бораи маҳкумшудагони аз Хуҷанд интиқол шуда махфӣ мебошад. Касе гуфта наметавонад, ки оё ӯ зинда аст ё на. Рӯйхати маҳкумшудагон вуҷуд надорад, наздикони маҳкумшудагон намедонанд ки дар кадом зиндон аст. Ба мо рӯйхатро нишон медоданд ва мегуфтанд, ки наздиконамон сиҳату осуда ҳастанд, мо хотирҷам шуда ба хонаҳоямон бармегаштем», — гуфт модари маҳкумшуда.

Дар назди боздоштгоҳи муваққатии рақами 1 ҳаррӯз наздикони маҳкумшудагоне, ки санаи 7-уми июл интиқол шуда буданд, бо мақсади дар хусуси наздикони хеш маълумоте пайдо намудан ҷамъ мешаванд. «Ин сирри давлатӣ нест. Вақте, ки маҳкумшударо аз як муассиса ба муассисаи дигар интиқол мекунанд, мақомотҳои дахлдор бояд наздикони маҳкумшударо воқиф намоянд. Пас аз марги 14 маҳкумшуда наздикони дигар маҳкумшудагон метарсанд, ки мусибати мазкур дари онҳоро низ мекӯбад. Ин зарбаи вазнини азобдиҳанда аст, ки аз натиҷаи он ба худ омадан мушкил мебошад», гуфт ҳимоятгари ҳуқуқ Ойниҳол Бобоназарова дар ҳамсӯҳбат бо хабарнигорон.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.