Дар Тоҷикистон интиқоли маблағҳоро инҳисор намуданд
Бонки миллии Тоҷикистон механизми нави интиқоли бурунмарзии маблағҳоро дар Тоҷикистон ворид намуд. Айни замон бонкҳои Тоҷикистон наметавонад бо системаҳои интиқоли маблағҳо бевосита ҳамкорӣ намояд, ҳамаи амалиётҳои интиқоли маблағҳо бояд танҳо аз системаи миллии ташкилшуда амалӣ гардад. Дар навбати худ, системаҳои русӣ ва байналхалқӣ бояд суратҳисобҳои корреспондентӣ дар БМ бикушоянд ва интиқоли маблағҳо танҳо бар асоси вуҷуд доштани дар он маблағ мумкин мегардад, — иттило медиҳад «Коммерсант».
Ҳарчанд Бонки миллии Тоҷикистон изҳор намуда буд, ки бо се системаи маблағгузаронӣ — «Вестерн Юнион», «Контакт» ва «Юнистрим» созишнома имзо кардааст, вале феълан танҳо «Юнистрим» кор карда истодааст. Илова бар ин, боз маблағро бо воситаи «Сбербанк Онлайн» низ интиқол карда мешавад, ки корти онро Спитамен бонк таклиф менамояд, вале барои бадал намудан миқдори муайяни маблағ ситонида мешавад.
Масалан, сокини шаҳри Душанбе ба фарзандонаш аз Русия 92 доллар интиқол намудааст. Бо ҳисоби 1% комиссионӣ фарзандонаш 887 сомонӣ бояд мегирифтанд, вале ба онҳо 5 ҳазору 225 рубл (тақрибан 785 сомонӣ) пардохт карданд. Дар натиҷа барои мубодила бо воситаи «Корти миллӣ» ӯ 102 сомонӣ зарар дидааст, дар ин хусус МигрантНюс иттило медиҳад.
Сокинони Тоҷикистон бо чунин вазъияти кор норозӣ ҳастанд, навбатҳои дароз ва имконият набудани гирифтани маблағҳои худ мардумро ба ноумедӣ гирифтор мекунад. Бо вуҷуди камбизоатӣ ва шароити сахти зиндагӣ дар Тоҷикистон, режими Раҳмон боз бори гарони мардумро пурзӯр карда, интиқоли маблағҳоро инҳисор менамояд.
