Тоҷикистон: таъқиб ва бофташудани парвандаҳои ҷиноӣ идома дорад
Додситони кулли Тоҷикистон рӯзи 19-уми март зимни суханронӣ дар ҷаласаи Маҷлиси Миллӣ иттилоъ дод, ки аз аввали соли равон дар Тоҷикистон 314 нафар бо гумони узвият дар созмони «Ихвонул-муслимин» муайян карда шудаанд ва аз он 154 нафари онҳо ба ҳабс гирифта шуд.
«Мақомоти ҳифзи ҳуқуқи Тоҷикистон муайян ва боздошти аъзоёни боқимондаи ин созмонро, ки дар кишвар манъ карда шудааст, идома доранд», гуфт ӯ. «Дар байни дастгиршудагон як корманди маъмурияти раиси шаҳри Исфара, тақрибан 20 омӯзгор аз донишгоҳҳои гуногуни Тоҷикистон қарор доранд».
Ёдрас мекунем, ки дастгиркуниҳои оммавии аъзоёни созмони «Ихвонул-муслимин» дар аввали сол дар тамоми минтақаҳои кишвар сурат гирифта буд, боздоштшудагон намояндагони табақаҳои мухталифи ҷомеа буда, аз табақаи оддии коргар сар карда то зиёиён мебошанд.
Ғайр аз ин, ба гуфтаи мақомоти ҳифзи ҳуқуқи Тоҷикистон, соли гузашта 300 наврас ғайриқонунӣ аз ходимони динии маҳаллӣ таълимоти динӣ гирифтаанд. Инчунин, нисбати 214 нафар барои иштирок дар ҳаракати исломии «Салафия» парвандаҳои ҷиноӣ оғоз гардид.
