Коррупсия дар Тоҷикистон: Бег Сабур ва ширкати сохтмонии писараш

Коррупсия дар Тоҷикистон: Бег Сабур ва ширкати сохтмонии писараш

Мақомоти шаҳри Кӯлоб ширкати сохтмонии «Комил-2010» ро дар пардохт накардани андозҳо дар ҳаҷми 4 млн сомонӣ айбдор мекунад. Чи тавре ки радиои Озодӣ менависад, ширкати мазкур ба Сиёвуш Зуҳуров, писари Бег Сабур, роҳбари Хадамоти алоқа ва қудои раисҷумҳури Тоҷикистон тааллуқ дорад. Дар ин асно, намояндагони «Комил-2010» ба рӯзноманигорон далели қарздор будани ширкатро тасдиқ карданд.

Манбаъҳои наздик ба ҳукумати кишвар хабар медиҳанд, ки қудои раисиҷумҳури Тоҷикистон Бег Сабур ба монанди дигар хешовандони Раҳмон, дорои бизнес империяи комилест, аз ҷумла фабрикаи хиштбарорӣ, фабрикаҳои дӯзандагии либосу пойафзол, маҷмааи варзишӣ бо ҳавзи шиноварӣ, меҳмонхона дар наздикии боғи марказӣ  ба номи Мир Саид Ҳамадонӣ ва меҳмонхонаи «Чинор».

Қаблан, таҳқиқоти журналистии Пажӯҳишгоҳи ҷанг ва сулҳ маълум карда буд, ки Бег Сабур дар утоқи кориаш дар бинои Хадамоти алоқа бо фурӯши хонаҳои ширкати «Комил-2010» машғул мебошад. «Амволе, ки шахсан Бег Сабур мефурӯшад, хонаҳои Бег Сабур меноманд. Дар ин асно, сохтмони хонаҳо, ки онро шахси мансабдор дар ҷои кор бо фурӯши он мағул мебошад, аз ҷониби ширкати хусусии ҶДММ Комил 2010 анҷом дода мешавад, ки соҳиби он писари Бег Сабур, Сиёвуш Зуҳуров мебошад. Офиси фурӯши ширкати «Комил 2010″ дар як бино бо Хадамоти алоқа ҷойгир аст», — гуфта шудааст дар таҳқиқот. Ғайр аз ин, муаллифони тафтишот иддао доранд, ки ҳатто баъзе кормандони Хадамоти алоқа низ дар фурӯши хонаҳои ширкати «Комил-2010» даст доранд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.