Ҳазорҳо нафар шаҳрвандони Тоҷикистон ва Ӯзбекистон дар Қазоқистон побаста шуданд

Дар вилояти Туркистони ҷумҳурии Қазоқистон тақрибан се ҳазор шаҳрванди Ӯзбекистон ва Тоҷикистон дар марз қарор доранд, хабар медиҳад Tengrinews. Бинобар гуфтаи муовини раиси вилоят Сакен Калкаманов, мардум аз Тоҷикистон ва Ӯзбекистон дар назди гузаргоҳи сарҳадии «Жибек жолы» ҷойгиранд ва наметавонанд ба хона баргарданд, зеро Ӯзбекистон марзҳояшро бастааст.

«Сарҳади Қазоқистон ва Ӯзбекистон, панҷ рӯз аст ки мардум дар гармӣ ва дар шароити ғайрисанитарӣ қарор доранд. Ғизо ва обро дар мағозаи наздик бо нархи се баробар гарон харида мешавад, ҳоҷатхона низ пулакӣ аст.  Риоя кардани масофаи иҷтимоӣ ғайриимкон мебошад», гуфта шудааст дар маводи нашр шудаи сомонаи иҷтимоӣ ки ба он Tangrinews.kz истинод мекунад.

Дар ҳамин ҳол, рӯзи 7 июл даҳҳо шаҳрвандони Тоҷикистон дар назди сафорати Тоҷикистон дар шаҳри Москва тазоҳурот карданд. Иштирокчиёни тазоҳурот бо дипломатҳо мулоқот карданро талаб карданд ва шикоят намудаанд, ки онҳо наметавонанд бо парвозҳои чартерӣ ба хона баргарданд. Ба гуфтаи ҷамшудагон, дар шароити пандемия, онҳо наметавонанд барои пардохти хӯрок ва манзил пул кор кунанд, аз ин рӯ онҳо кӯшиш доранд, ба ватанашон баргарданд, аммо парвозҳои чартерӣ ҳам дастраси онҳо нест.

Ба гуфтаи мушоҳидон, пандемия дар зиндагии муҳоҷирони меҳнатӣ аз Осиёи Миёна дар Русия дигаргуниҳои ҷиддӣ ворид кард, ҳазорон нафар бе кору рӯзгори зиндагӣ ва инчунин бе дастгирии ҳукуматҳои худ мондаанд. Аз ин рӯ, баргаштан ба хона барои онҳо ягона роҳи ҳалли мушкилот мебошад. Аммо, аз сабаби мавҷуд набудани хатсайрҳои ҳавоӣ миёни кишварҳои Осиёи Миёна ва Русия, ҳазорон муҳоҷирон аз ноилоҷӣ, кӯшиш мекунанд, ки бо воситаи автобусҳои байниминтақавӣ ва бо нақлиёти ҳамсафар ба хона баргарданд.

Муҳоҷирони меҳнатӣ аз набудани кӯмак аз ҳукуматҳои кишварҳои худ норозӣ ҳастанд, зеро бисёре аз давлатҳо нигоҳдории шаҳрвандони худро, ки дар натиҷаи чораҳои карантинӣ дар хориҷа мондаанд, таъмин мекунанд.