Туркманистон Чинро дар Туркистони Шарқӣ дастгирӣ мекунад
Туркманистон мавқеи Чинро нисбати мусулмонони Туркистони Шарқӣ дастгирӣ мекунад. Намояндаи Туркманистон дар ин бора рӯзи 14 июл дар нишасти 47-уми Шӯрои СММ оид ба ҳуқуқи башар изҳор дошт. Ин изҳорот бори дигар намоиш медиҳад, ки кишварҳои Осиёи Марказӣ ба Чин вобастагӣ доранд — кишваре, ки ин минтақаро на танҳо аз ҷиҳати иқтисодӣ ва молиявӣ азхуд кардааст, балки дар баъзе ҷанбаҳои сиёсӣ дар доираҳои ҳукмронии кишварҳои Осиёи Марказӣ бартарӣ дорад.
Кишварҳои Осиёи Марказӣ ягона кишварҳои мусалмоннишин нестанд, ки барои дастгирии мустақиман ё ғайримустақиман сиёсати ҳукумати Чинро нисбати аҳолии мусулмони Туркистони Шарқии ишғолшуда зери танқид қарор мегиранд. Чанде пеш сарвазири Покистон Имрон Хон дар мусоҳиба бо рӯзноманигори амрикоӣ Ҷонатан Свон ҳангоми пурсиш дар бораи сабабҳои хомӯшии ӯ дар наслкушӣ, тамъизкунӣ барои рӯза ва намоз дар Туркистони Шарқӣ посух дод: «Дар замони сахт, вақте ки мо ҷанг мекардем Чин яке аз дӯстони беҳтарини мо буд. Вақте ки иқтисодиёти мо дар ҳолати вазнин қарор дошт, Чин ба мо дасти кӯмак дароз кард. Баъдтар, роҳбари Покистон ба масъалаи уйғурҳо баргашт ва гуфт, ки ӯ ба дурустии маълумот дар бораи шиканҷа алайҳи мусулмонони Туркистони Шарқӣ боварӣ надорад.
Инчунин, намояндаи ҷунбиши Толибони мӯътадил Суҳайл Шоҳин, уйғурҳоро ҷудоихоҳон номид ва Чинро дӯсти худ хонд. Дар изҳорот ба SCMP ӯ изҳор дошт, ки «намояндагони мо борҳо дар Чин буданд ва мо бо онҳо муносибати хуб дорем. Чин як кишвари дӯстест, ки иштироки ӯро дар бозсозӣ ва рушди Афғонистон истиқбол мекунем.» Суҳайл инчунин итминон дод, ки Толибон намегузоранд ҷудоихоҳони уйғурро, ки бархе аз онҳо дар Афғонистон паноҳ бурдаанд, дар он ҷо муқим шаванд.
Нозирон қайд мекунанд, ки кишварҳои минтақаи Осиёи Марказӣ, ба мисли Афғонистон ва Покистон, дар маркази нақшаҳои Чин барои ташкили «Роҳи нави абрешим» қарор доранд. Чин «Роҳи нави абрешим», ки онро бо Аврупо ва Африқо мепайвандад, ният дорад тавассути он ашёи хом ва захираҳои энергетикиро ворид кунад ва колоҳои худро содир кунад. Аз ин ҷиҳат, режимҳои худкома ва фасодзада дар ин кишварҳо ҳамкорӣ бо мақомоти Чинро афзал медонанд ва ба ҷиноятҳои ваҳшиёна ва наслкушии мусалмонон дар Туркистони Шарқӣ чашм мепӯшанд.
