Дар Магнитогорск кормандони ФСБ муҳоҷирони меҳнатиро дастгир менамояд
Дар Магнитогорск муҳоҷирони меҳнатӣ аз Осиёи Марказиро ба тафтиши оммавӣ қарор доданд. Пас аз таркиши нақлиёти мусофиркашӣ ва бинои истиқомати, ки санаи 31-уми декабри соли гузашта дар Магнитогорск ба вуқуъ пайвастааст, ҳарчанд ҳукумати Русия эътироф намудааст, ки таркишҳо табиати маъишӣ дорад, вале хадамотҳои махсуси Русия якҷоя бо полис шахсони гӯё гумонбарро дар таркиш дастгир менамояд.
Хешовандон ва наздикони дастгиршудагон мегӯянд, ки бо сабаби эътироф намудани ҷинояти содир накардаашон дастгиршудагонро тазйиқ менамоянд. Яке аз дастгиршудагон аз тарафи ФСБ шаҳрванди Қирғизистон Ҳусниддин Зайнобиддинов ба тазйиқҳои шадид гирифтор шудааст, дар ин хусус ба хабарнигорон ҳамсари номбурда хабар дод.
Ҳалимахон Зайнобиддинова ҳамсари Ҳусниддин Зайнобиддинов нақл мекунад, ки дар вақти пурсиши шаш соата шавҳари ӯро ба тазйиқҳои шадид қарор доданд. «Дар замони вохӯри бо Ҳусниддин дар ШВКД рӯйи ӯ ба ранги кабуд табдил ёфтааст, чашмонаш сурх шуда, дастҳояш варам кардааст, бинияш каҷ шуда дар он доғҳои кабуд дида мешуд… Аҳволи ӯро ба дахшат афтида, пурсидам: «Барои чи онҳо туро ба ин ҳолат гирифтор намуданд?».
Ҳусниддин оиди тазйиқҳо дар ШВКД чунин нақл мекунад: «Маро шаш соат пурсиш намудаанд, ба тахтапуштам мезаданд, сипас ба тахтапуштам хишт гузошта бо қувваи барқ азоб медоданд. Қувваи барқро ба сарам ва гӯшҳоям мондаанд, аз ҳуш мерафтам. Сипас онҳо аз болоям об рехтанд», нақл намуд шавҳарам, — мегӯяд Ҳалимахон Зайнобиддинова.
Зан ба суханҳои шавҳараш такя намуда мегӯяд, ки кормандони хадамоти махсуси ниқобпӯш ҷараёни пурсиш ва тазйиқҳоро бо камераи видео ба навор гирифтаанд.
