Дар Туркманистон алайҳи риш мубориза мебаранд

Чи тавре ки АНТ (Альтернативные новости Туркменистана) ба якчанд манбаи худ такя намуда иттило медиҳад дар шаҳри Ашқобод ва вилояти Лебапи Туркманистон кампания алайҳи ришдорон шурӯъ гардид.

Санаи 24-уми январ дар кӯчаи микрорайони 6 пойтахт ҷавононеро дастгир намуданд. Тибқи гуфтаҳои шоҳид ҷавон риш гузошта буд. Манбаи дигар дар Ашқобод мегӯяд, якчанд ҷавонро медонад, ки онҳоро ба «Житникова» бурдаанд, дар ин кӯча маҷмааи биноҳои ВКД ва ВАМ қарор дорад.

«Ҳамкасбам дар онҷо ду шабонарӯз қарор дошт, хабар дод манба. Вақте, ки ба кор омад, сардор аз ӯ пурсид: чӣ тавр аз онҷо баромадӣ? Ӯ гуфт, шиносҳоям кӯмак намуданд. Тибқи гуфтаи ӯ, Житникова пур аз ришдорон шудааст».

Манбаи дигар дар вилояти Лебап хабар дод, ки санаи 25-уми январ хешутаборашро барои гузоштани риш якчанд рӯз дар қароргоҳи полис манъ намуда, маҷбур мекарданд, ки машруботи спиртӣ бинӯшад.

Айнан чунин ҳолатро низ ОИ «Хроника Туркменистана» тасдиқ менамояд ва мегӯяд, ки қонуни тасдиқ нашудае вуҷуд дорад, ки то синни 40 солагӣ гузоштани ришро манъ мекунад.

Бояд қайд намуд, ки моҳи феврали соли гузашта хадамоти махсуси Туркманистон бо фармони ҳукумати Туркманистон намозгузоронро дар масҷид ба пурсиш қарор дода буданд ва талаб мекарданд, ки намозгузориро қатъ намоянд. Ҷавонони ришдорро маҷбур мекарданд, ки ришашонро битарошанд, инчунин таҳдид менамуданд, ки барои идома додани гузоштани намоз аз ҷои кор сабукдӯш менамоянд.

Тибқи ҳисоботи ташкилотҳои байналмилалӣ кишвари Туркманистон тӯли солҳои зиёд аст ба сафи кишвароне, ки дар он диндорон ба назорати сахти давлат қарор доранд, дохил мешавад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.