Мақомоти Ӯзбекистон аз муҳоҷирон даъват мекунанд, ки ба тазоҳуротҳо дар Русия иштирок накунанд

Мақомоти Ӯзбекистон аз муҳоҷирон даъват мекунанд, ки ба тазоҳуротҳо дар Русия иштирок накунанд

Агентии муҳоҷирати меҳнатии хориҷии назди Вазорати шуғли аҳолӣ ва муносибатҳои меҳнатӣ аз муҳоҷирони меҳнатии ӯзбек дар Русия даъват кардааст, ки дар эътирозҳои оммавӣ ширкат накунанд ва дар рӯзҳое, ки намоишҳо мешаванд ба кӯча набароянд, менависад Настоящее Время бо истинод ба паёми оҷонси.

«Рӯзҳои охир дар минтақаҳои гуногуни Федератсияи Русия намоишҳои оммавӣ баргузор шуданд, ки ба таври расмӣ аз ҷониби давлат иҷозат дода нашудааст. Дар робита ба ин, Агентии муҳоҷирати меҳнатии хориҷӣ аз шаҳрвандони Ӯзбекистон, ки дар ин кишвар қарор доранд, хоҳиш мекунад, ки дар чунин намоишҳои оммавӣ иштирок накунанд, қонунҳои Федератсияи Русияро риоя кунанд ва аз рафтани ҷойҳои серодам худдорӣ намоянд. Иштирок кардан дар чунин корҳои ғайриқонунӣ метавонад боиси таъқиби ҷиноятӣ ё депортатсия гардад», гуфта шудааст дар паёми мақомот ба муҳоҷирони ӯзбек.

Ёдрас мекунем, ки амалҳои зиддидавлатӣ дар робита бо боздошти раҳбари мухолифин Алексей Навалний рӯзҳои 23, 31-уми январ ва 2-юми феврал дар даҳҳо шаҳрҳои Русия аз Калининград то Владивосток баргузор шуданд.

Мусоҳиби «Хабарҳо», фаъоли маъруфи ҳуқуқи инсон Баҳром Ҳамроев, бар ин ақида аст, ки мақомоти Ӯзбекистон пеш аз ҳама на дар бораи амнияти муҳоҷирони меҳнатӣ, балки дар бораи амнияти худ андеша мекунанд.  «Агар муҳоҷирони меҳнатӣ аз Ӯзбекистон дар чунин гирдиҳамоиҳо ширкат варзанд, онҳо сиёсӣ мешаванд, билохира мефаҳманд, ки тавассути ҷамъомадҳои оммавӣ вазъро, аз ҷумла дар ватани худ, тағир додан мумкин аст.  Ин маънои онро дорад, ки мардум дахлнопазирии эътирозӣ пайдо хоҳанд кард, ки режими Мирзиёев онро воқеан намехоҳад», — гуфт Ҳамроев.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.