13% аҳолии Тоҷикистон дар сатҳи қашшоқӣ зиндагӣ ба сар мебаранд

Дар маърӯзае аз тарафи Бонки ҷаҳонӣ таҳия шуда гуфта мешавад, ки 13% аҳолии Тоҷикистон қашшоқанд.

Тибқи иттилои Бонки ҷаҳонӣ 13% аҳолии Тоҷикистон дар сатҳи қашшоқӣ зиндагӣ ба сар мебаранд. Илова бар ин нишондоди зерин аз соли 2009 инҷониб тағйир наёфтааст ва сатҳи камбизоатӣ дар саросари кишвар 31%-ро ташкил медиҳад.

Дар маърузаи,ки тибки чорчубаи стратегияи нави ҳамкории байни бонк ва Тоҷикистон гуфта мешавад: Бонки ҷаҳонӣ садди камбизоатиро 3 доллару 10 сенти ИМА ба ҳар як сарикас дар як шабонарӯз муайян намудааст. Ҳамин тавр хараҷотҳои касе, ки аз  миқдори дар боло зикршуда поин бошад, камбизоат ба ҳисоб меравад ва хараҷотҳои касоне, ки дар як шабонарӯз ба миқдори 1 доллару 10 сенти ИМА сарф менамоянд аз садди камбизоатӣ ҳам поинтар аст.

Тибқи баҳогузории Бонки ҷаҳонӣ то соли 2014 даромади асосии аксари оилаҳои тоҷик  интиқоли маблағҳои муҳоҷирони меҳнатӣ буд. Вале бо сабаби бӯҳрон дар иқтисоди Русия аксарият муҳоҷирони меҳнатӣ аз ҷои кор маҳрум гардиданд ва маҷбур шуданд ба ватан баргарданд. Аз ин лиҳоз даромади аксарият хоҷагидории Тоҷикистон коҳиш ёфтааст.

Мусоҳибони «Хабарҳо», ки ба наздики аз муҳоҷират баргаштаанд бо шарти номашон ноаён монад, гуфтанд: «Вазъи иқтисоди аҳолии кишвар назар ба солҳои гузашта хеле бадтар шудааст. Дар бозорҳо савдо нест, аксарияти соҳибкорон кормандонашонро ихтисор карда истодаанд, шумораи бекорон бошад як баробар афзоиш ёфтааст, хусусан ҳамаи ин дар шаҳрҳои хурд эҳсос карда мешавад», — мегӯянд мардум.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.