Дар Тоҷикистон номҳои исломӣ машҳур мешаванд

Тибқи иттилои хадамоти қайди актҳои ҳолати шаҳрвандӣ (ЗАГС) дар соли 2018 номгузорӣ барои писар ва духтарони нав таваллуд шуда асосан номҳои арабӣ машҳур шуданд. Соли гузашта номҳои машҳуртарин барои писарбачагон номҳои Идрис, Имрон, Муҳаммад, Абубакр, Абдуллоҳ, Умар ва Юсуф машҳур шуданд. Барои духтарон низ номҳои арабӣ  ба монанди: Марям, Амина, Оиша, Осия, Ҳанифа, Фотима ва Ҳабиба машҳур гардиданд. Дар ин хусус санаи 12.01.2018 ОИ «Азия-Плюс» иттило дод.

Ба ақидаи филологи тоҷик Мансур Суруш, ҳамаи номҳои мазкур решаи арабӣ дошта ба дини Ислом вобастагии зич доранд. То солҳои 90-ум тоҷикон бисёртар ба номҳои форсӣ аз қабили номҳои дар асари «Шоҳнома»- и Фирдавсӣ омадааст ба монанди Сиёвуш, Сӯҳроб ва ғайра имтиёз медоданд, имрӯз бошад бештари имтиёзҳои худро ба номҳои арабӣ — исломӣ медиҳанд.  Тамоюли мазкур бо ривоҷ ёфтани саводнокии динӣ вобаста мебошад.

Ба ақидаи мушоҳидон тамоюли мазкур бо афзоиши огоҳии исломии мардуми кишвар вобаста мебошад. Зимнан воқеи мазкур бидуни хоҳиши ҳукумат ривоҷ ёфта истодааст, ки дар соли 2016 кӯшиш намуда буд гузоштани номгузории исломиро манъ кунад. Аксарият хадамотҳои қайди актҳои ҳолати шаҳрвандӣ розӣ набуданд, ки бо номҳои Муҳаммад, Абубакр, Ёсин ва ғайра шаҳодатномаи таваллуд бидиҳанд. Вале, ба ҳамаи ин нигоҳ накарда мардуми Тоҷикистон то ҳол ба фарзандони нав таваллуд шудаи худ номҳои исломӣ мегузоранд.