Дар Тоҷикистон аввалин бонки ба ном исломӣ кушода шуд
Дар Тоҷикистон яке аз бонкҳо аз бонки оддӣ ба бонки гӯё исломӣ тағйир дода шуд: Соҳибкорбонк ба ҶСК Тавҳидбонк табдил ёфт. Қарори мазкур дар маҷлиси саҳмдорони бонк санаи 12-уми июн қабул карда шуд ва ҷараёни ивазшавӣ дар марҳилаи охир қарор дорад, иттило медиҳад хадамоти матбуотӣ Соҳибкорбонк.
Инчунин дар хабар қайд шудааст, ки «Соҳибкорбонк» дар хусуси ташаббуси худ оиди якумин бонки гӯё исломӣ шудан дар соли 2017 эълон карда буд. Дар он замон бо иттиҳодияи исломӣ оиди рушди бахши хусусӣ (ICD) меморандуми мутобиқшуда ба имзо расида буд.
Мутахассисон қайд мекунанд, ки пайдошавии бонкҳои гӯё исломӣ ба замони бедории оммавӣ исломӣ рост омад. Вале, дар амал бошад ҳамаи системаи бонкдории гӯё исломӣ айнан мутобиқи ҳамон системаи бонкдории дар асоси судхӯрӣ вуҷуд дошта мебошанд, ки либоси исломӣ пӯшидаанд.
Дар китоби «Хавф — менеҷменти бонкҳои исломӣ», корманди яке аз бонкҳои сармоягузорӣ дар Дубай иқрор мешавад: Мо оиди амалиёти якзайли бонкҳои судхӯрӣ кор бурда истодаем, сипас барои гирифтани «сертификати-ҳалол» бо шайх ба тамос мебароем. Агар шайх рози нашавад, бо дигараш алоқа карда, ба ӯ мукофоти калон таклиф мекунем. Ҳамин тариқ, то сертификат нагирем таклифро идома медиҳем. Аксарияти шайхоне, ки фатво мебароранд, барои корашон маблағҳои гӯшношунид мегиранд, — мегӯяд коркуни дигар.
