• Home »
  • Habarho »
  • Тоҷикистон то ҳол қашшоқтарин кишвар дар минтақа боқӣ мемонад

Тоҷикистон то ҳол қашшоқтарин кишвар дар минтақа боқӣ мемонад

Тоҷикистон яке аз қашшоқтарин кишвар дар минтақаи Осиёи Марказӣ эътироф гардид. Дар ин хусус дар маърӯзаи Кумитаи Омори Байнидавлатии ИДМ «Мониторинги нишондодҳои Ҳадафҳои Рушди Устувор дар минтақаи ИДМ» гуфта шудааст.

Чи тавре ки тадқиқот нишон медиҳад ҳиссаи аҳолии Тоҷикистон, ки дар шароити камбизотӣ зиндагӣ мекунад, соли 2016 30,3% — ро ташкил намуд. Бинобар иттилои Бонки ҷаҳонӣ аз панҷ як кӯдак аз гуруснагӣ азият мекашад.

Ғайр аз ин, тибқи иттилои маърӯзаи қаблан нашр гардидаи Ташкилоти озуқаворӣ ва хоҷагидории СММ дар Тоҷикистон аз нимгуруснагӣ сеяки аҳолӣ, яъне 2,6 млн нафар қарор доранд.

Боқимонда кишварҳои Осиёи Марказӣ низ аз Тоҷикистон ақиб намондаанд. Ба ақидаи профессори кафедраи муносибатҳои байналмилалии иқтисодӣ Донишгоҳи Русии Дӯстии Халқҳо Инна Андронова кишварҳои Осиёи Марказӣ ба гурӯҳи давлатҳои қашшоқтарини ҷаҳон дохил мешаванд.