Машқҳои низомии муштарак дар Тоҷикистон ва Ӯзбекистон
Моҳи августи соли ҷорӣ дар қаламрави ду кишвар — дар шимоли Тоҷикистон ва водии Фарғонаи Ӯзбекистон машқҳои низомии Тоҷикистон ва Ӯзбекистон баргузор мегардад, дар ин хусус Азия-Плюс ба манба дар Вазорати мудофиаи ҶТ такя намуда иттило медиҳад. Машқҳои низомии навбатӣ қувваҳои мусаллаҳи Тоҷикистон ва Ӯзбекистон дар ду марҳила баргузор мегардад.
Дар марҳилаи якум, аскарон ва афсарони ду кишвар масъалаҳои ҳамкорӣ алайҳи терроризми байналхалқӣ дар шароити кӯҳӣ адо менамоянд, дар марҳилаи дуюм бошад чунин ҳамкориро дар саҳл адо менамоянд, — иброз намуданд дар мақомоти мудофиаи кишвар.
Ёдрас мекунем, ки ин гуна машқҳои муштараки чорумин маротиба аст, ки пас аз гармшавии муносибатҳои байни ду кишвар баргузор мегардад. Моҳи августи соли гузашта, қӯшунҳои сарҳадии Тоҷикистон ва Ӯзбекистон машқҳои муштараки низомии «Ҷайҳун — 2018» баргузор намуда буданд. Дар моҳи сентябри соли гузашта бошад, дар қаламрави шимоли Тоҷикистон якумин маротиба машқҳои низомии муштараки қисми махсуси Ӯзбекистон ва Тоҷикистон «Ҳамкории низомӣ — 2018» гузаронида шуд. Моҳи апрели соли ҷорӣ дар полигони «Фахробод»- и Вазорати мудофиаи Тоҷикистон машқҳои низомии муштараки чор рӯза байни қисмҳои иктишофи Тоҷикистон ва Ӯзбекистон баргузор гардида буд.
Мушоҳидон қайд мекунанд, ки ҳарчанд машқҳои низомӣ дар таҳти бархӯрди муштарак алайҳи гӯён таҳдидҳои террористӣ гузаронида шавад ҳам, дар асл мақсадҳои дигар пайгирӣ карда мешавад. Ба касе пӯшида нест, ки таҳдиди асосӣ барои режимони кишварҳои Осиёи Марказӣ хуруши мардумӣ мебошад. Бинобар ин, аллакай имрӯз қувваҳои мусаллаҳ ва қисмҳои махсуси ду кишвар машқҳои низомӣ мегузаронанд. Эҳтиёҷи режимҳо барои ҳамкории якҷоя ин аст, ки минтақаи мазкур ҳамчун ягона ба шумор меравад, азбаски марзҳо сунъӣ аст ва дар ҳолати шӯриши мардум дар яке аз кишварон, хуруши мардумӣ ба тамоми минтақа таъсир хоҳад кард.
