Дар Тоҷикистон камераҳои чинии симошинос гузошта мешавад
Рӯзҳои наздик дар пойтахт ва дигар шаҳрҳои Тоҷикистон видеокамераҳои симошинос гузошта мешавад. Дар ин хусус радиои Озодӣ ба муовини сардори маркази «Шаҳри бехатар» Фурқат Шоимардонов такя намуда иттило медиҳад.
Ба гуфтаи Шоимардонов, видеокамераҳои нави истеҳсоли ширкати чинии «Huawei» дар аксарият шаҳрҳои калони кишвар, дар ҷоиҳои ҷамъшавии инсонҳо — дар фурудгоҳҳо, дар вокзалҳо, дар марказҳои тиҷоратӣ ва дар бозорҳо гузошта мешавад.
Ёдрас мекунем, ки системаи «Шаҳри бехатар» дар Душанбе тирамоҳи соли 2013 ба кор дароварда шуда буд. Он замон дар Душанбе 855 адад камераи назоратӣ гузошта шуда буд. Лоиҳаи мазкур $22 млн ро ташкил намуда, маблағи мазкур асосан аз они давлати Чин аст, ки дар чорчӯбаи СҲШ ҳамчун қарзи дарозмуддат ба миқдори $20,9 млн барои амалигардонии лоиҳа пешниҳод кардааст.
Бояд қайд намуд, дар худи Чин бо воситаи системаи назорати видеоӣ, ки бо хиради сунъӣ ҷиҳозонида шудааст, тайи солхои дароз аст, ки аз болои мусулмонони Туркистони шарқӣ сиёсати назорати пурра гузаронида мешавад.
Ба ақидаи мушоҳидон мақсади асосии ба кор даровардани системаи «Шаҳри бехатар» дар соли 2013, на таъмин намудани амнияти аҳолии кишвар, балки пурра ба назорат гирифтани сокинони кишвар барои таъмин намудани амнияти режими Раҳмон ва барои гирифтани пеши роҳи бедории диниву сиёсӣ дар кишвар мебошад.
Ҷолиби диққат аст, ки тибқи Ислом аз болои шаҳрвандон ҷосусӣ намудан манъ карда шудааст ва хадамотҳои амниятӣ танҳо аз болои шахсҳои гумонбаршуда ва хатарноки асоснокшуда ҳуқуқ доранд аз болои чунин шахсҳо назорат кунад. Дар моддаи 72-и лоиҳаи дустури исломӣ, ки аз тарафи яке аз партияи исломии сиёсӣ байналхалқӣ таҳия намуда шудааст, гуфта мешавад:
Моддаи 72. Назаррастарин чизҳое, ки ба амнияти дохилӣ таҳдид пайдо мекунад ва идораи амнияти дохилӣ бар зидди он мубориза мебарад, чунин аст: муртадӣ, боғигӣ, тороҷ, таҷовуз ба мол, ҷон ва номуси мардум, муомила бо ашхосе, ки дар ҷосусӣ ба фоидаи кофирони ҳукману амалан муҳориб гумонбар мешаванд ва ғайра.
Дар ин хусус домулло Шокирхон аз шаҳри Душанбе ба шабакаи мо бо тариқи телефон оиди хабари мазкур чунин шарҳ дод.
