Муҳоҷири меҳнатӣ аз Осиёи Миёна дар Магнитогорск одамонро наҷот бахшид

Зодаи 23 солаи Ӯзбекистон Алан Абдуллоев, ки дар шаҳри Магнитогорски ФР дар соҳаи сохтмон кору фаъолият мекунад, субҳи 31-уми декабр барои гузоштани намози бомдод аз хоб бедор мешавад. Ногаҳон садои таркишро мешунавад ва барои кӯмак ба ҷои ҳодиса равона мешавад.

Чи тавре ки life.ru менависад, то омадани кормандони Вазорати Ҳолатҳои Фавқуллода (МЧС), ҷавон 8 нафар истиқоматкунандагони бинои фурӯ рехта дар Магнитогорск наҷот бахшидааст.

«Мехостам намоз гузорам, ногаҳон садои таркиш ба гӯшам расид. Дарҳол либосҳоямро пӯшидам ва ба ҷои ҳодиса равон шудам. Дар онҷо одамон нигоҳ мекарданд, касе наздик ҳам намеомад. Дар ҷои ҳодиса ба зане бо кӯдакаш кӯмак кардам. Сипас, ба боло баромадам, тақрибан пас аз 20-25 дақиқа кормандони ВҲФ омадаанд. Як шахсеро бо номи Женя интизор будам, бо ӯ якҷоя ба ҷои сӯхтор баромадем. Дар онҷо зани солхӯрдаро ёфт намудем, зинда будааст ӯро низ ба берун баровардем. Ба кормандони ВҲФ ҷоеро, ки боз одамон дар таги бинои фурӯрафта дар мондаанд нишон додам,»  ба хабарнигорон гуфт ҷавон. Бинобар гуфтаҳои шоҳидони фоҷиа, Абдуллоев ҳар рӯз ба ҷои фоҷиа ҳамчун фидоӣ меояд ва ба наҷотдиҳандагон кӯмак мекунад.

Бояд қайд намуд, ки ҳодисаи мазкур дар Русия аввалин маротиба нест, ки зодагони Осиёи Марказӣ ҷуръат карда, ҳатто ҷони худро қурбон намуда сокинони маҳаллиро наҷот мебахшанд. Ҳамин тавр, дар вақти сӯхтор дар маркази савдои «Зимняя Вишня»- и шаҳри Кемероваи ФР ду зодагони Тоҷикистон Фарзон ва Хуршед тақрибан 50 нафарро наҷот бахшиданд. Инчунин, соли 2015 дар вақти сӯхтор дар Маркази савдои «Адмирал»- шаҳри Қазон барои наҷоти ҷонҳои бегонагон ду муҳоҷири меҳнатӣ дар таги бинои фурӯрафта дармонданд ва ҷони худро аз даст доданд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.