Раиси шаҳри Истаравшан Исломро таҳқир намуд

Баҳром Иноятзода

Дар Тоҷикистон баёноти навбатии таҳқиромез аз ҷониби мансабдор нисбати Ислом гуфта шуд. Раиси шаҳри Истаравшан Баҳром Иноятзода дар конфронси-матбуотӣ иброз намуд, ки тайи ду соли охир дар шаҳру ноҳияҳо 36 масҷид баста шудааст. Ҳолати мазкурро Иноятзода чунин шарҳ дод: «Касе аз масҷид бо фикри солим набаромадааст. Аксар ҷавононе, ки имрӯз ба гурӯҳҳои ифротӣ пайвастанд ҳамааш аз фикрҳои носолим сарчашма гирифтааст ва ин гуна фикрҳо ҳамааш аз масҷид дар сари он ҷой шудааст. Аз ин рӯ масҷид не, мактабро бояд зиёд кард», мегӯяд Иноятзода.

Бино ба иттилои расмӣ, соли гузашта дар Исфара 56 масҷид ва дар ноҳияи Бобоҷон Ғафуров 67 масҷид баста шудааст. Биноҳои масҷидҳои басташударо ба иншооти иҷтимоиву фарҳангӣ, аз қабили чойхона, бунгоҳи тиббӣ, коргоҳи дӯзандагӣ ва амсоли ин табдил додаанд. Дар Исфара 56 масҷид ва дар ноҳияи Ғафуров 67 масҷид ба истилоҳи мақомот, самти фаъолияти худро дигар кардаанд. Масалан, дар маҳаллаи Ҷиккаки ҷамоати Сурхи Исфара бинои масҷидро ба майдони тенниси рӯимизӣ (пинг-понг) табдил додаанд. Ҳамин тавр, ба гуфтаи сокинон, дар ҷамоати Чоркӯҳ ду сол боз бинои мадрасаро ба қароргоҳи як дидбонгоҳи нирӯҳои марзбонӣ табдил додаанд.

Ёдрас мекунем, ки тибқи иттилои расмӣ, дар тамоми қаламрави Тоҷикистон шумораи масҷидҳои басташуда аз 2000 убур намудааст. Маълумоти зеринро соли гузашта раиси Кумитаи оид ба корҳои дини Тоҷикистон Сулаймон Давлатзода тасдиқ намуда буд.

Ҷолиби диққат дар он аст, ки ҳолатҳои ошкор таҳқир намудани дини Ислом ва қадриятҳои он зуд-зуд мушоҳида карда мешавад. Пештар як мансабдор дар ҳолати мастӣ қарор дошта, бо суханҳои қабеҳ аз сокинони ноҳияи Рӯдакӣ талаб намуда буд, ки масҷидро бубанданд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.