Хешутабори навбатии Мирзиёев ба мансаби баланд таъйин гардид
Чи тавре ки сомонаи centralasian.org менависад, санаи 2-уми феврал президенти Ӯзбекистон Шавкат Мирзиёев падарарусаш Ботир Турсуновро ба мансаби муовини аввали Хадамоти амнияти миллӣ таъйин намуд.
Дар соли 2018 Мирзиёев бо қарори худ як қатор кормандони баландпояи хадамоти қудратиро сабукдӯш намуда буд, пас аз ин ба яке аз мансабҳои стратегӣ Турсунов таъйин гардид. Пештар дар замони президент Каримов, Турсунов Шӯъбаи оиди мубориза алайҳи терроризми ВКД Ӯзбекистонро идора мекард.
Тибқи иттилои манбаъ дар Вазорати корҳои дохилии Ӯзбекистон нисбати аз вазифа сабукдӯш шудагони кормандони баландпояи Хадамоти амнияти миллӣ парвандаҳои ҷиноӣ оиди коррупсия оғоз гардидааст.
Бояд қайд намуд, ки дар кишварҳои Осиёи Марказӣ аз ҷониби диктаторон ба мансаби баландпоя таъйин шудани хешутаборҳояшон кори анъанавӣ мебошад. Пештар дар соли 2017 маълумоте дар ВАО паҳн шуда буд, ки Мирзиёев домоди калонаш Ойбек Турсуновро ба мансаби муовини раиси идораи президентӣ ва домоди хурдияш Отабек Шаҳановро ба мансаби муовини раиси хадамоти амниятии президент таъин намуда буд.
