Дар Қирғизистон фурӯхтан ва нӯшидани машруботи спиртӣ манъ карда шуд

Дар панҷ деҳаи вилояти Нарински Қирғизистон: Кош-Добо, Терек, Кара-Бурғон, Конорчок ва Кок-Жарск нӯшидан ва фурӯхтани машруботҳои спиртиро манъ карданд. Имҳолшавӣ аз тарафи худи сокинон ворид карда шуд. Манъи мазкур аз тарафи ҷавонони маҳаллӣ ташаббус гардидааст. Раиси ноҳияи Ак-Талинск Нурбек Молдоқодиров хабар дод: Маҷлис ташкил карда соҳибкорони маҳаллӣ, ки бо фурӯши машруботҳои спиртӣ машғуланд таклиф намудем ва қарор қабул намуда комиссия ташкил кардем. Комиссияи мазкур иҷрошавии ташаббуси мардумро назорат мекунад. Оқсақолон ташаббусро дастгири намуданд. Масалан, дар деҳаи Кош-Добо аз тарафи мардум 80 ҳазор сом ҷамъ карда шуд ва товони соҳибкорон пардохт намуда шуд.

Хабарнигор аз Қирғизистон Перизат Қирғизбоева ба хабарнигори «Хабарҳо» оиди хабари мазкур чунин шарҳ дод: «Дар ҳақиқат ин ташаббуси мардум буд, хусусан ҷавонон. Сабаби тамоюли зерин дар ҳолати мазкур ин бедоршавии ҳисси исломӣ ва баргаштан ба ҳукмҳои шаръии мардуми Осиёи Марказӣ дар ҷомеа мебошад. Вале, боз як нуктаро қайд намудан зарур аст, ки амалишавии баъзеи қонунҳои шариат дар баъзе ноҳияҳо муамморо бо пуррагӣ ҳал намегардонад ва чизеро дар системаи фасод дигаргун намекунад. Аммо худи тамоюли он, ки мардум Исломро мехоҳад ва дар амал намоиш медиҳад, моро умедвор месозад, ки ҳарчанд ҳукуматҳои Осиёи Марказӣ ва давлатҳои хориҷӣ, ки аз минтақаҳои мо манфиатдор ҳастанд кӯшиш кунанд ҳам, мардум ба сӯи Ислом ҳаракат карда қонунҳои онро дар ҳаёти рӯзмарраи худ татбиқ менамояд».

Ёдрас мекунем, ки ҳолати мазкур якумин маротиба нест, ки сокинони маҳаллӣ алайҳи манъи фурӯш ва нӯшидани машруботҳои спиртӣ мебароянд. Масалан, соли 2017 дар деҳаи Жапалаки ҷануби кишвар сокинони маҳаллӣ ҳамаи машруботҳои спиртиро ба маблағи 4000 доллари ИМА харидори намуда нобуд карданд. Мушоҳидон қайд мекунанд, ки солҳои ахир ҳарчанд ҳукумати Қирғизистон бо услубҳои гуногун бар зидди ҳамаи намуди зуҳуроти бедории исломӣ мубориза барад ҳам, вале ба ин нигоҳ накарда нишонаҳои бедории исломӣ дар мардуми кишвар намоён шуда истодааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.