• Home »
  • Habarho »
  • Имом-хатиб барои надонистани суруди миллӣ аз вазифа барканор карда шуд

Имом-хатиб барои надонистани суруди миллӣ аз вазифа барканор карда шуд

Тибқи иттилои радиои Озодӣ, имом-хатиби масҷиди «Панҷакент» барои надонистани суруди миллии Тоҷикистон аз вазифа барканор карда шуд.

Чи тавре ки имом-хатиб ба хабарнигорон иттилоъ дод, аз ҷониби «Кумитаи оид ба корҳои дин» ба ӯ огоҳинома омада аст, ки аз сабаби надонистани суруди миллии кишвар ӯ ҳуқуқ надорад вазифаи имом-хатибиро идома диҳад. Бинобар ин, ба вазифаи иҷрокардааш имом-хатиби дигар таъйин мегардад.

Ҷолиби диққат он аст, ки ҳарсол дар замони аттестатсия имом-хатибон ба донистани суруди миллӣ, донистани рамзи давлатӣ ва тартиби гузоштани намоз тибқи мазҳаби ҳанафӣ озмуда мешаванд.

«Бале, дар аввал мо имомонро дар донистани суруди миллӣ ва рамзи давлат меозмоем. Зеро онҳо коркунони давлат мебошанд. Илова бар ин, давлат ба онҳо маъош медиҳад», иброз намуд раиси шӯъбаи оид ба корҳои динӣ шаҳри Панҷакент Саидҷон Шодиев.

Ёдрас мекунем, ки дар Тоҷикистон имом-хатибон аз ҷониби Шӯрои Уламои кишвар дар ҳамоҳангӣ бо Кумитаи оид ба корҳои дин таъйин мегарданд ва аз тарафи давлат ба онҳо маъош ба миқдори 1 ҳазор сомонӣ (тақрибан $100 доллари ИМА) ҷудо карда мешавад.