• Home »
  • Habarho »
  • Дар Ӯзбекистон назорат аз болои масҷидҳо пурзӯр карда мешавад

Дар Ӯзбекистон назорат аз болои масҷидҳо пурзӯр карда мешавад

Ҳукумати Ӯзбекистон боз назорати масҷидҳои кишварро шурӯъ намуд.

Тибқи иттилои радиои Озодӣ, рӯзҳои ҷашнгирии иди Қурбон санаи 21-23 август муовини имоми масҷиди «Чӯпонота»-и шаҳри Тошканд маҷбур шуд, ки матни ваъзи аз ҷониби Идораи рӯҳонии мусулмонони Ӯзбекистон дода шударо ба намозгузорон бихонад.

Ба гуфтаи муовини имом, ҳукумат фаъолияти ҳамаи масҷидҳои кишварро, аз он ҷумла хутбаи намози ҷумъаро дар зери назорати худ гирифтааст.

Як корманди Идораи Рӯҳониии Мусулмонони Ӯзбекистон суханҳои дар боло зикршударо тасдиқ кард ва иброз намуд, ки ба 2039 масоҷид матни якхелаи хутбаи намози ҷумъа фиристода шуд.

Тайи ду моҳи ахир аз тарафи маъмурияти ИРМӮ барои надоштани илми кофии исломӣ ва бо ин эътибори намозгузоронро бо маълумотҳои беасос ҷалб намудан якчанд имомҳо аз вазифа барканор шуданд. Аз моҳи феврал то моҳи июли соли ҷорӣ масҷидҳои Ӯзбекистон фаъолияти худро бидуни назорат аз «боло» гузаронданд», иброз намуд корманди ИРМӮ.

Мутахассисон пурзӯр шудани назорати масҷидҳоро бо таъйин шудан дар мансаби муовини раиси Идораи Рӯҳонии Мусулмонони Ӯзбекистон афсари «Хадамоти амнияти давлат» Дилшод Ҳошимов, инчунин  бо таъйин шудан дар мансаби муовини раиси «Кумитаи оид ба корҳои дин» подполковники ВКД Нуриймон Абулҳасан вобаста мекунанд.