КДАМ: ба сарҳадгоҳ занҳо ва кӯдакон ҳамла карданд
Намояндаи КДАМ Тоҷикистон дар конфронси бахшида ба муаммоҳои оилавӣ дар бораи баъзе тафсилотҳои ҳамла ба сарҳадгоҳи «Ишқобод»- ро нақл намуд.
Ба гуфтаи намояндаи КДАМ Тоҷикистон, дар ҳамла ба сарҳадгоҳи Ишқобод кӯдакони аз 4 то 15 сола низ иштирок намуданд. Намояндаи КДАМ Муҳаммад Саидов дар рафти баромадаш оиди мавзӯи «Тақвияти чораҳои мафкуравӣ дар мубориза бо зуҳуроти экстремизм ва терроризм» ҳарф зада ва ёдоварӣ намуд, ки дар ҳамлаи 6-уми ноябр 9 нафар мард, 11 нафар зан ва 13 нафар кӯдакони ноболиғ иштирок варзиданд, вале нақши кӯдакони ноболиғро дар ҳамла ба сарҳадгоҳи мазкур чи буд, аниқ накард.
Тибқи иттилои расмӣ, гӯё ҳамлаи ба сарҳадгоҳи «Ишқобод» карда шуда, ки дар ноҳияи Рӯдакӣ дар марзи тоҷикистону-ӯзбекистон ҷойгир аст шаби 6-уми ноябр ба вуқуъ пайвастааст. 20 нафар шахсони ҳамлакарда ҳамчун ҷангҷӯёни ташкилоти Давлати Исломӣ эълон гардиданд.
Мушоҳидон қайд мекунанд, ки ҳатто иттилои аввалини аз тарафи ҳукумат дода шуда шубҳанок буд, вале тафсилотҳои нави аз тарафи КДАМ дода шуда, боз ба мавзӯи мазкур диққатро ҷалб намуд ва дар сегменти сомонаҳои иҷтимоии тоҷик шубҳаҳо ва хашми мардумро нисбати режим зиёд гардонид.
