Панҷ шаҳрванди Тоҷикистон дар Москва маҳкум шудаанд

Панҷ шаҳрванди Тоҷикистон дар Москва маҳкум шудаанд

Панҷ шаҳрванди Тоҷикистон дар Москва бо парвандаи омодагӣ ба амалҳои террористӣ дар солҳои 2018-2019 маҳкум шуданд. Додгоҳи дуюми ҳарбии ноҳиявӣ дастгиршудагонро ба ҳукмҳои гуногун аз 9 то 17 сол маҳкум кард. «Додгоҳ Арабов Лутфуллоро ба 15 сол, Мирзоев Мирзомаҳмудро ба 12 сол, Раҷабов Нуруллоро ба 17 сол, Хоҷаев Нӯъмонро ба 11 сол, Шокиров Шодмонро ба 9 сол маҳкум кард.  Ба ҳамаи махкумшудагон адои ҷазо дар колонияи режими сахт таъин гардид», — менависад РИА Новости бо истинод ба хадамоти матбуотии додгоҳ. Қайд карда мешавад, ки маҳкумшудагон бо қисми 2 моддаи 205 Кодекси ҷиноятии Федератсияи Русия (амали террористӣ, инчунин таҳдиди ҳамлаи террористӣ дар ҳайати гурӯҳ), омодасозии ҳамлаи террористӣ, ташкили гурӯҳи террористӣ ва гардиши ғайриқонунии силоҳ айбдор шудаанд.

Маҳкумшудагон солҳои 2018 ва 2019 аз ҷониби кормандони ФСБ Русия бинобар парвандаи ҷиноии бофташуда дастгир карда шуданд.

Бояд қайд кард, ки солҳои охир садҳо муҳоҷирони меҳнатӣ аз кишварҳои Осиёи Марказӣ дар доираи ба ном «Мубориза алайҳи терроризм» қурбонии худсарии хадамоти махсуси Русия гардиданд, бархе аз онҳо бо ҷурмҳои бофташуда дар зиндонҳои Русия ҷазои тӯлонӣ адо мекунанд, даҳҳо нафари дигар аз ҷониби кормандони мақомоти махсус кушта шуданд.

Ёдрас мекунем, ки соли 2017 дар доираи тафтиши таркиш дар метрои Санкт-Петербург 11 муҳоҷири меҳнатӣ гунаҳкор дониста шуда, ба мӯҳлатҳои аз 19 сол то ҳабси абад маҳкум шуданд.  Дар ҷараёни мурофиа, ҳамаи онҳо изҳор доштанд, ки таҳти шиканҷаи бераҳмонаи ФСБ-и Русия ҷурми ба онҳо бофташударо эътироф карданд. Инчунин алоҳида қайд кардан лозим аст, ҳодисаи ба наздикӣ рӯйдода, ки 11 майи соли равон дар қаламрави Қрими ғасбшуда аз тарафи Русия  — ҳангоми кофтукоб зодаи Ӯзбекистон, Раҳимов Наби бераҳмона шиканҷа карда шуд. Ба гуфтаи маъмурони амният, Раҳимов гӯё «муқовимати мусаллаҳона нишон дод ва ҳангоми боздошт безарар гардонида шудааст.»  Раҳимов Наби қурбонии дигари муҳоҷирони меҳнатӣ аз кишварҳои Осиёи Марказӣ гардид, ки ҳангоми амалиёти махсус кушта шуд. Аммо, агар қаблан нерӯҳои амниятии Русия, ки муҳоҷиронро мекуштанд, маъмулан онҳоро аъзои гурӯҳҳои низомӣ эълон мекарданд, ин дафъа бошад як узви ҳизби исломии сиёсӣ — Ҳизби Таҳрир кушта шуд; дар ин бора хадамоти матбуотии бахши ӯзбекии ин ҳизб рӯзи гузашта изҳорот дод.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.