Ҳалокати 14 нафар маҳбусон аз нон: доғҳои кабуд ва мошароҳо

Ҳалокати 14 нафар маҳбусон аз нон: доғҳои кабуд ва мошароҳо

Санаи 7-уми июл 14 маҳбусон дар вақти интиқол аз шаҳри Хуҷанд ба Душанбе фавтиданд. Ба гуфтаи мақомоти СРИҶҶ сабаби ба ҳалокат расидани маҳбусон аз истеъмоли нон дониста мешавад. Шонздаҳ маҳбусон байни худ 3 адад нонро тақсим карда тановул намуданд, пас аз тановул намудан вазъи ҳамаи онҳо ваҳим гардида, ҳолати дилбеҳузурӣ, сарчархзанӣ, қайкунӣ ба вуқуъ пайвастааст. Талошҳои табибон танҳо 2 нафар аз ин маҳбусонро наҷот доданд ва боқимонда 14 нафар ҷон бохтанд. Дар ин хусус СРИҶҶ Вазорати адлияи Тоҷикистон иттило дод.

Дар ин асно, санаи 8-уми июл дар сомонаҳои иҷтимоӣ суратҳои ҷанозаи яке аз фавтидагон Валиҷон Одинаев пайдо гардид, ки дар симои Одинаев мошароҳо равшан намоён буд.

Инчунин, наздикони ду маҳбуси фавтида Солеҳов Некқадам ва Абдураҳмонов Абдураҳмон низ иброз намудаанд, ки дар ҷасади марҳумон пайи латукӯб ва мошароҳо намоён буд.

Маросими дафн тибқи муқаррароти хадамоти махсус бо зудӣ ва таҳти назорати онҳо гузаронида шуд. Се маҳбуси дар боло зикршуда бо айбҳои динӣ маҳкум шуда буданд.

Ёдрас мекунем, ки ҳодисаҳои ҳалокати маҳбусон дар системаи пенитенсиарии Тоҷикистон якумин маротиба нест, ки ба вуқуъ пайвастааст. Ҳамин тавр, тӯли хашт моҳи охир дар колонияҳои ислоҳии Тоҷикистон зиёда аз 100 нафар маҳбусон ба ҳалокат расидаанд. Гарчанде, ки ҳукумат дар бораи пешгирии исён баёнот диҳад, вале наздикони фавтидагон ва ҳимоятгарони ҳуқуқ ақида доранд, ки куштори оммавии маҳкумшудагон аз рӯи нақшаи хадамоти махсус амалӣ гардидааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.