Муҳоҷири меҳнатӣ аз Тоҷикистон дар Любертси Маскав кушта шуд

Муҳоҷири меҳнатӣ аз Тоҷикистон дар Любертси Маскав кушта шуд

Боз як муҳоҷири меҳнатӣ аз Тоҷикистон дар Русия қурбони таҷовуз гардид. Сарраёсати  шӯъбаи тафтишотии Кумитаи тафтишотии Русия дар шаҳри Маскав куштори ваҳшиёнаи шаҳрванди Тоҷикистонро ки ҷасадаш шаби 26-уми ноябр дар ҷангали Любертсии ноҳияи Маскав ёфт гардид, тафтишотро оғоз намуд.

Кушташуда сокини 31 солаи шаҳри Леваканди вилояти Хатлон Руслан Бобошеров мебошад. Ба гуфтаи наздиконаш, Руслан дар истгоҳи метрои «Каховская» дар таъмиргоҳи пойафзол кору фаъолият мекард, шаби 24-уми ноябр бедарак шудааст.

Тибқи иттилои Сарраёсати шӯъбаи тафтишотии КТ Русия дар шаҳри Маскав, сараввал ҷавон кушта шуда, сипас ҷасадаш сӯзонда шудааст.

Акбар Бобоназаров, тағои Руслан Бобошеров 29-уми ноябр ба радиои Озодӣ хабар додааст, ки ҷиянаш дар қаламрави Русия бар асоси қонунӣ қарор доштааст. «Пас аз рӯзи корӣ дар таъмири пойафзол ғайб задааст, ду шабонарӯз аст, ки бо кофтукови ӯ машғул ҳастем», — гуфт ӯ. Шаби 26-уми ноябр кормандони полис аз телефони мобилии Руслан ба наздиконаш занг зада, дар хусуси пайдо кардани ҷасади Руслан хабар додаанд.

Ёдрас мекунем, ки дар соли 2018 аз хориҷа ба Тоҷикистон 966 ҷасади шаҳрванди Тоҷикистон интиқол шудааст. Асосан ин муҳоҷирони меҳнатӣ ҳастанд, ки бо шароитҳои гуногун дар Русия фавтидаанд: дар садамаҳои нақлиётӣ, бинобар касалӣ, ҳодисаҳои ногувор дар ҷои кор, ҳамла, дар муноқишаҳои маъишӣ ва дар ҳолатҳои фавқулодда. Аз онҳо 25 нафар аз ҷумла Ҳувайдои 5 сола қурбониҳои куштори ваҳшиёна гардидаанд. Ғайр аз ин, як қисми ҷасадҳои муҳоҷирони меҳнатиро аз сабаби набудани маблағ барои ирсол намудан ба ватан, дар худи Русия ба хок месупоранд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.