Ӯзбекистон: намоиши эътирозӣ дар Андиҷон

Ӯзбекистон: намоиши эътирозӣ дар Андиҷон

Чи тавре ки радиои Озодлик ба навори видеоие, ки дар сомонаҳои иҷтимоӣ паҳн гардид такя карда менависад, дар шаҳри Андиҷон сокинони маҳаллӣ роҳи автомобилгарди Қуштеппаро ки байни ноҳияҳои Далворзин ва Алтинкул мегузарад бубастанд.

Дар навори видеоӣ санаи 29-уми ноябр дар гурӯҳи Фейсбук паҳншуда намоён аст, ки як тӯда одамон барои набудани гази табиӣ ва қувваи барқ роҳи автомобилгардро баста истодаанд. Як рӯз пеш чунин намоиши эътирозӣ дар вилояти Сирдарё ва Қароқалпоқистон низ рух дода буд.

Бинобар иттилои хабарнигорон, роҳбанди 28-уми ноябр рух дода, як тӯда сокинони маҳаллии хашмгин эътирози худро баён намудаанд, ки ҳоло моҳи декабр фаро нарасида, аммо дар хонаҳояшон гази табиӣ ва қувваи барқ вуҷуд надорад. Намоиши эътирози то омадани намояндаи ҳукумати маҳаллӣ идома ёфт ва ӯ ваъда додааст, ки мушкилии мазкур ҳал хоҳад шуд.

Ёдрас мекунем, ки санаи 28-уми ноябр, рӯзи гузаронидани намоиши эътирозӣ дар шаҳри Андиҷон, сарвазири Ӯзбекистон Абдулло Орипов маҷлиси видеоселектории фаврӣ баргузор намуд, ки оиди масъалаҳои таъмин намудани аҳолӣ бо қувваи барқ ва гази табиӣ бахшида шудааст.

Ҷолиби диққат аст, ки набудани гази табиӣ ва қувваи барқ дар зимистон замони ҳукмронии Каримов низ вуҷуд дошт, вале бо сабаби вуҷуд доштани сиёсати шадиди хомӯшкунии ҳамаи намуди эътирозҳо ва ҳатто изҳори норозигӣ, аҳолии Ӯзбекистон одатан ба мусибатҳои маъишӣ хомӯш шуда роҳи таҳаммул намуданро пеш гирифта буд.

Мушоҳидон қайд мекунанд, ки ҳарчанд, Мирзиёев гӯён «тағйиротҳо» гузаронидааст, дар асл бошад тағйиротҳои мазкур табиати косметикӣ доранд, бо вуҷуди ин, дар кишвар муносибати аҳолӣ нисбати режим тағйир ёфт ва минбаъд мардум ба муносибати кӯҳнае, ки аз тарафи ҳукуматдорон нисбаташ карда шуда буд, тоқат намекунад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.