Туркманистон: фаъолон ба истеъфои президент даъват доранд

Тибқи иттилои Turkmen news, гурӯҳи ташаббускори шаҳрвандони Туркманистон дар шаҳри Ашқобод ва дигар шаҳрҳо варақаҳо ва плакатҳои зидди ҳукуматиро паҳн карда истодаанд. Фаъолон аксҳои президент Қурбонгули Бердимуҳамедовро бо навиштаҷоти «Гум бол!», «Огру», яъне «Гум шав!», «Дузд» — ро дар нақлиёти ҷамъиятӣ, дар даромадгоҳи биноҳои истиқоматӣ ва дар ҳавлиҳои микрорайонҳо гузошта истодаанд.

Яке аз фаъолон гуфт, ки пас аз эътирозҳо дар кишварҳои мухталифи ҷаҳон, шаҳрвандони дохили Туркманистон низ норозигии худро изҳор намуданд. “Мардум дар Ашқобод низ озод будани худро ҳис карданд, тарс дигар нест, косаи сабр лабрез шудааст.  Мардум дар бораи мушкилот садо баланд карданд ва бо мансабдорони сатҳҳои гуногун талаботи муошират бо аҳолӣ бештар намоён мегардад», — мегӯяд фаъол.

Дар айни замон, фаъолон дарк мекунанд, ки агар шахсияти онҳо муайян гардад, онҳо ба ҷазои сахт гирифтор хоҳанд шуд.