Чин аз Қирғизистон пардохти қарзашро талаб менамояд

Бишкек дар наздикии оянда ғайр аз пардохти қарзҳои худ дигар чорае надорад, изҳор намуд сафири Чин Сяо Синхуа. Қирғизистон монанди дигар кишварҳои Осиёи Марказӣ аз маблағгузорони хориҷӣ аз ҷиҳати молиявӣ тобеъ мебошад, хусусан аз давлати Чин. Дар навбати худ Чин имконияти боз ҳам зиёд намудани нуфузи сиёсӣ, иқтисодӣ ва низомии худро аз болои кишварҳои Осиёи Марказӣ пайдо мекунад. Ҷолиби диққат аст, ки кишварҳои Осиёи Марказӣ бо суръати тез аз истилогарони молиявии байналхалқӣ қарзҳояшонро афзоиш дода истодаанд.

Тибқи иттилои ташкилоти Center for Global Development қарзҳои хориҷии Қирғизистон аз Бонки содирот ва воридоти Чинӣ 40% — ро ташкил медиҳад, яъне 1,5 миллиард доллари ИМА.

Дар маърӯзаи худ Examining the Debt Implications of the Belt and Road Initiative from a Policy Perspective («Тадқиқоти натиҷаҳои қарздорӣ ташаббуси «Як қамар — як роҳ» — дурнамоии сиёсӣ»), ки санаи 7-уми март нашр шудааст, тадқиқотчиёни ташкилоти Center for Global Development ҳисоб карда иброз намудаанд, ки давлати Чин дар 68 кишвари Осиё, Африқо ва Аврупо ба маблағи 8 триллион доллари ИМА маблағгузорӣ менамояд.

Ёдрас мекунем, ки имрӯз қарздор намудан аз воситаи давлатҳои абарқудрат ба ҳисоб рафта бо чунин услуб онҳо назорати мустамликадории худро аз болои кишварҳои заиф бо мақсади дар оянда ғорат кардан пурзӯр менамоянд. Ҳатто давлатҳое, ки ба маблағгузорӣ эҳтиёҷ надоранд ба таври маҷбурӣ талқин карда мешавад. Бояд қайд намуд, ки тибқи Ислом гузаронидани амалиётҳои судхӯрӣ ба мусулмонон ҷоиз нест ва яке аз гуноҳҳои азимтарин ба ҳисоб меравад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.