Мулло Садриддин дар шаҳри Кӯлоб дастгир шуд

Дар шаҳри Кӯлоб воиз Садриддин Муллоев ки ҳафт моҳ қабл ба ваъдаҳои оиди авфи ҳукумат бовар карда ба Тоҷикистон баргашта буд дастгир шуд, дар ин хусус радиои Озодӣ ба хешовандони воиз такя намуда иттило медиҳад. Чи тавре ки хешовандони Садриддин ба хабарнигорон изҳор намуданд, санаи 21-уми сентябр ӯро барои гузаронидани сӯҳбат ба прокуратураи генералӣ даъват намуданд ва дар онҷо боздошт карданд. Илова бар ин, кормандони ҳифзи ҳуқуқ оиди шарҳи тафсилоти ҳодисаи мазкур рад мекунанд.

«Ӯ ба суханҳо ва ваъдаҳои коркунони Шӯъбаи оиди мубориза алайҳи ҷинояти муташаккилонаи ВКД эътимод кард, баргашт, ҳафт моҳ сипарӣ гашт ва ӯро дастгир намуданд. Намедонем, чаро. Айни замон ӯ дар боздоштгоҳи тафтишотии шаҳри Душанбе нигоҳ дошта мешавад», — гуфт бародари Садриддин, Неъматулло Муллоев.

Инчунин, Неъматулло мегӯяд, ки аз замони боздошти Садриддин як ҳафта сипарӣ шуд, вале оиди сабаби боздошти бародараш касе ба онҳо маълумоте надодааст.

Ёдрас мекунем, ки Садриддин Муллоев домоди воизи маъруф Мулло Ҳайдар Шарифзода мебошад, ки сиёсати режими Раҳмонро оиди бартараф намудани мусулмонони амалкунанда пурра дастгирӣ менамояд. Дар соли 2008 Садриддин Муллоев аз тарафи мақомоти ҳифзи ҳуқуқи Тоҷикистон бо айби иштирок намудан дар ҳаракати исломии «Ҷамоати Таблиғ»дастгир шуда буд ва бо ҳукми додгоҳ пушти панҷара рои карда шуда буд. Соли 2013 аз ҷойҳои маҳрумият аз озодӣ баромада бо сабаби таъқиб шудан аз тарафи хадамоти махсуси Тоҷикистон кишварро тарк мекунад. Дар шаҳри Кӯлоб бо номи Мулло Садриддин маъруф мебошад. Ба гуфтаи хешовандонаш, ӯ соли 2013 ба Русия сафар намудааст ва як сол пас ба Туркия меравад ва дар онҷо панҷ сол истиқомат мекунад. Дар соли 2019 аз тарафи ҳукумат кафолати авф ва қатъ шудани таъқибро гирифта ба ватан бармегардад.