Шаҳрванди Тоҷикистон дар Белорусия дастгир карда шуд

Ҷониби Белорусия хабари боздоштшавии шаҳрванди Тоҷикистон Парвиз Турсуновро дар шаҳри Минск тасдиқ намуд.

Тибқи иттилои оҷонсии телеграфии «БЕЛТА», намояндаи расмии прокуратураи генералии Белорус Дмитрий Брилёв хабари дастгиршавии шаҳрванди Тоҷикистонро дар фурудгоҳи шаҳри Минск тасдиқ намуд, ки нисбати ӯ дар Тоҷикистон бо айби бофташуда дар экстремизм парвандаи ҷиноӣ оғоз гардидааст.

Номбурда санаи 18-уми сентябр дар фурудгоҳ аз ҷониби кормандони шӯъбаи корҳои дохилии шаҳри Минск дастгир карда шуд. Санаи 19-уми сентябр муовини прокурори нақлиёти шаҳри Минск нисбати Турсунов қарори ба пушти панҷара равон карданро татбиқ намуд.

Айни замон шаҳрванди Тоҷикистон дар боздоштгоҳи муваққатии рақами 1 шаҳри Минск қарор дорад.  Хадамоти назоратии Белорус санадҳоро аз прокуратураи генералии Тоҷикистон барои боздод намудан интизор мебошад.

Сухан дар бораи собиқ бозингари тими футболи «Хайр» Парвиз Турсунови 43 сола аз шаҳри Ваҳдат меравад, ки якчанд сол пеш барои пешниҳоди риш нагузоштан ӯ тими футболро тарк намудааст. Пас аз тарк намудани тими футбол ӯ бо ҳамроҳи оилааш дар Дубай ва Туркия кор карда зиндагӣ ба сар бурдааст.

Дар Тоҷикистон нисбати Парвиз Турсунов бо моддаи 307 қисми 1 (даъвати оммавӣ ба экстремизм) парвандаи ҷиноӣ оғоз гардидааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.