Русия дар сарҳадҳои худ бо Осиёи Миёна қувваҳояшро афзоиш медиҳад

Русия дар сарҳадҳои худ бо Осиёи Миёна қувваҳояшро афзоиш медиҳад

«Русия соли оянда қувваи ҳарбии қӯшунҳои Ҳавзаи Марказиро афзоиш медиҳад». Дар ин бора фармондеҳи қӯшунҳои ҳавза Александр Ляпин ҳафтаи гузашта ба «РИА Новости» хабар дод. Ба фикри Ляпин, самти Осиёи Марказӣ барои Русия яке аз самтҳои муҳим ба ҳисоб меравад, ки дар ин бора чанд бор ҳам дар штаби генералӣ ва ҳам дар шӯрои амнияти Федератсияи Русия ҳарф задаанд. Ляпин дар ҷамъомади Вазорати мудофиаи Федератсияи Русия чунин хабар дод: «Вазифаҳои асосии омодагии қӯшунҳо дар соли оянда муқаррар гардидааст… афзоиши сифати омодагии фаврӣ ба 13% ва омодагии ҳарбӣ ба 26%».

Сабаби ин ҳама, аз рӯи баёнияҳои ҳукумати Русия, чунин аст: Гӯё ба ном «ҷанговарони ДИИШ», ки нақшаи ҳуҷум ба минтақаро доранд, чанд сол аст, ки дар сарҳади Афғонистону Тоҷикистон ҷамъ меоянд.

Ба андешаи мутахассисон, маълумот дар бораи ҷамъ омадани ҷанговарони номаълум дар сарҳади Афғонистону Тоҷикистон аз ҳад зиёд муболаға карда шудааст. Масалан, дар маводе, ки дар сомонаи caa-network.org аз санаи 22 январи соли 2016 таҳти сарлавҳаи «Хавфи афзоишёбанда аз тарафи Афғонистон муболағаи аз ҳад зиёд аст» бо қалами сармуҳаррири сомонаи registan.net ва корманди илмии барномаи омӯзиши Осиёи Марказӣ дар назди донишгоҳи Ҷорҷ Вашингтон Ноа Таккер нашр шудааст, мутахассис мегӯяд: «Бо ибораи кӯтоҳ, ба андешаи ман хавфи «афзоишёбанда» аз ҷониби Афғонистон (ба ҳадди ақал барои Осиёи Марказӣ) ҷуз муболағаи аз ҳад зиёд чизи дигар нест ва аз тарафи хадамоти махсуси Русия, инчунин аз тарафи ҳукуматҳои минтақавӣ ва аз тарафи «сарҳои ҳарфзананда»-и онҳо, истифода шудааст. Зеро ин ба самти сиёсӣ мувофиқ асту ҳар яке аз ин гурӯҳҳо онро барои худ муфид медонад. Айнан ҳамин тавр, дар тӯли 15 сол ба мардум дар бораи хавфе, ки аз ҷониби ҲИӮ (Ҳаракати исломии Ӯзбекистон) ё ИИҶ (Иттиҳоди исломии ҷиҳод) ё аз ҷониби дигар ҳаракати исломӣ, ки дар назорати давлат нест, сар мезанад, бо қатъият такрор ба такрор мегуфтанд. Aфсонаи ҳамон аст, танҳо номҳои ихтисоршуда тағйир меёбанд».

Ёдрас мекунем, ки раиси шӯрои амнияти Федератсияи Русия Николай Патрушев дар баёнияи худ аз санаи 18 декабри соли 2019 вазъи Афғонистонро шарҳ дод ва бори дигар кӯшиш кард, ки ҳамкорони худро, ки дар Осиёи Марказӣ ҳастанд, бо хавфу таҳдиди ҳуҷуми ҷанговарон битарсонад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.