Ширкати алюминии тоҷик Талко ба ширкати чинӣ табдил меёбад
Ширкати алюминии тоҷик «Талко» ба ширкати муштараки чиниву-тоҷик табдил меёбад, дар ин хусус радиои Озодӣ ба собиқ сафири Чин дар Тоҷикистон такя карда менависад.
«Ба фикри ман, ширкати муштарак ба ҳар ду ҷониб манфиатовар мебошад, чи аз ҷиҳати ташкил намудани ҷойҳои корӣ, чи аз ҷиҳати афзоиши қувваи истеҳсолӣ ва ҳаҷми маҳсулот, фурӯши маҳсулот ва дар охир даромадҳо аз андоз ба буҷаи давлати Тоҷикистон. Бо ибораи дигар, аз лоиҳаи мазкур на танҳо Чин, балки Тоҷикистон низ соҳиби манфиат мегардад», — гуфт собиқ сафир.
Дар айни замон, мақомоти Тоҷикистон ҷузъиёти созишномаи марбут бо «Талко»-ро ифшо накардаанд ва гузориш доданд, ки сармоягузории ширкати давлатии Чин China Machinery Engineering Corporation (CMEC) бо мақсади муосирсозии корхона ҷудо карда шудааст ва барои коҳиш додани хароҷоти истеҳсолӣ ва афзоиш намудани фоидаи Талко кӯмак намудааст.
Бо вуҷуди ин, мутахассисон тӯли солҳои охир якчанд маротиба андешаи худро баён намуда буданд, ки дар шароити афзоиш ёфтани қарзи давлатӣ, хусусан дар назди Чин, режими кунунӣ маҷбур аст, ки бо роҳи ба ихтиёри Чин гузоштани конҳои стратегии манбаъҳои минералӣ ё ин ки қисми аз замин қарзҳои худро пардохт менамояд.
