Сокини Душанберо барои пӯшидани ҳиҷоб ҷарима карданд
Сокини 20 солаи пойтахти Тоҷикистон Мунаввархон Исломова санаи 23-уми октябр ба таҳририяти радиои Озодӣ аз амали ғайриқонунии кормандони ҳифзи ҳуқуқ ва коркунони кумитаи оид ба корҳои зан бо шикоят муроҷиат намудааст. Духтарро барои пӯшидани ҳиҷоб ба маблағи 165 сомонӣ ҷарима карданд, илова бар ин ӯро барои итоат накардан ба кормандони милиса, яъне бо моддаи 479 кодекси маъмурии ҳуқуқвайронкунӣ айбдор намуданд.
Ба гуфтаи ӯ, санаи 22-уми октябр дар вақти интизоршудани нақлиёти ҷамъиятӣ дар яке аз истгоҳҳои пойтахт, нақлиёти мусофиркаш ба назди истгоҳ наздик шуд, ки дар дохили он 6-7 нафар зан буданд. Занҳои дар нақлиёт саворбуда ба духтар ишора карда гуфтанд: ӯ қонунвайронкунанда аст, ӯро ба нақлиёт савор кунед, ки мисли гузашта аз мо раҳои меёбад. Пас аз ин онҳо духтарро бо зӯрӣ ба нақлиёт савор карданд. Ба талаби духтар оиди нишон додани ҳуҷҷатҳои тасдиқкунандаи шахсият, онҳо дағалона посух доданд, ки дар шӯъбаи милиса тақдим мекунанд. Пештар маро барои пӯшидани ҳиҷоб дастгир намуда буданд, — нақл намуд Мунаввархон ба хабарнигорон.
Бояд қайд намуд, ки қазияи мазкур оиди дастгир намудани занҳои ҳиҷобпӯш дар Тоҷикистон якумин маротиба нест. Ҳамин тавр, ба таҳририяти Хабарҳо дар хусуси се ҳолати дастгиршавии занҳои ҳиҷобпӯш дар чорраҳаи хиёбони Рӯдакӣ ва дар кӯчаи М. Турсунзода наздикии ШВКД-и ноҳияи И. Сомонӣ маълумоте дастрас гардид. Сокини шаҳр Р. аз тарафи коркунони кумитаи оид ба корҳои зан дар вақти рафтани ӯ ба дорухона барои гирифтани доруворӣ ба фарзанди бемораш ба кӯча баромад ва ӯро дастгир карданд, ҳарчанд зан хоҳиш намудааст, ки дорувориро ба фарзанди бемораш бурданаш зарур аст, ки айни ҳол бо ҳарорати баланд бистари шудааст, вале ба ин нигоҳ накарда ӯро дастгир намуда, огоҳӣ доданд ва барои ба қайди қонуншиканон дохил намудан ба шӯъбаи милиса бурданд. Дуюм зан М пас аз як рӯз дар ҳамон манзил барои пӯшидани ҳиҷоб дастгир шуд. Вале, ӯ тавонистааст аз рӯбарӯ шудан бо кормандони милиса раҳоӣ ёбад: аз фурсат истифода бурда, дар вақти занҳои дастгиркарда авора шудан, зан аз ҷои дастгиршавиаш раҳои ёфтааст. Сеюм духтар пас аз додани баёнот раҳоӣ ёфтааст, ки якчанд рӯз пеш аз Русия ба ватанаш баргаштааст. Корманди милиса ба духтар гуфтааст, ки кормандони милиса кӯчаҳои марказиро бо мақсади зоҳир намудани занҳои ҳиҷобпӯш аз камераҳои назораткунанда мониторинг мекунанд.
Таҳлилгарон қайд мекунанд, ки тӯли солҳои охир мавзӯи пӯшидани ҳиҷоб ва сатр аз тарафи режими Раҳмон мунтазам муболиға карда мешавад, илова бар ин, либоси таърихие, ки занҳои тоҷик мепӯшиданд ҳамчун маданияти бегона ба аҳолии кишвар талқин карда мешавад. Ду сол пеш феҳристе бо либосҳои миллӣ барои занҳои Тоҷикистон расман қабул карда шудааст, ки хусусияти тавсиявӣ дошт. Сарфи назар аз он ҳукумати Тоҷикистон барои мубориза алайҳи пӯшидани либоси исломӣ ҳамаи намуди қувваҳои маъмуриро ба монанди кумитаи оид ба корҳои зан, кумитаи оид ба корҳои ҷавонон, вазорати маориф, ВКД, КДАМ, Прокуратураи генералӣ, мақомоти иҷроияи маҳаллӣ, раисони маҳалла ва ғайраро ба кор даровард.
