Тоҷикистон: 50 тонн конҳои тилло ба чиниҳо супорида шуд
Чи тавре ки радиои Озодӣ менависад, дар ноҳияи Айнии шимоли кишвар ширкати муштараки тоҷикӣ-чинӣ Talko Gold барои истихроҷ намудани кони тилло тайёри мебинад. Танҳо захираҳои таҳқиқшудаи кони тилло зиёда аз 50 тоннаро ташкил медиҳад. Инчунин дар ин ҷо нақша доранд сурма низ истихроҷ намоянд. Коркард намудани фулузҳо ба слиткаҳои тоза кардашуда низ дар комбинати металлургӣ ки сохтмони он дар соли 2020 ба нақша гирифта шудааст, гузаронида мешавад.
Ёдрас мекунем, ки то ба имрӯз 80% тамоми тиллоҳои истихроҷшуда дар Тоҷикистон бо иштироки ширкатҳои чинӣ истихроҷ карда мешавад. Инчунин, мушоҳидон якчанд маротиба қайд намуданд, ки ҳукумати Тоҷикистон конҳо ва заминҳои худро ба чиниҳо бар ивази қарздиҳӣ ва маблағгузорӣ месупоранд, масалан барои сохтмони Маркази Гармидиҳии Барқӣ «Душанбе-2» ҳукумати Тоҷикистон кони тиллобарории «Кумарги Боло» — ро бо захираҳои калони минералии кишвар ба чиниҳо супорид.
