Тоҷикистон: имом-хатибон истифодабарии сомонаҳои иҷтимоиро меомӯзанд

Тоҷикистон: имом-хатибон истифодабарии сомонаҳои иҷтимоиро меомӯзанд

Чи тавре ки Азия-Плюс менависад, дар Тоҷикистон имом-хатибони дарбориро барои паҳн намудани Исломи мӯътадил истифодабарии сомонаҳои иҷтимоӣ ва месенҷерҳо меомӯзонанд.

Санаи 2-уми октябр дар Ванҷ семинари махсус барои имом-хатибон шурӯъ гардид, ки зиёда аз 20 нафар ходимони дин истифодабарии коммуникатсияи муосир дар интернетро меомӯзанд. Ташаббускорони семинари мазкур намояндагони ташкилоти «Институти инъикоси ҷанг ва сулҳ» (IWPR) дар Тоҷикистон якҷоя бо Кумитаи дин баромад намуданд. Чи тавре ки намояндаи IWPR дар Тоҷикистон Лола Олимова иттило дод бори аввал нест, ки чунин семинар дар кишвар баргузор мегардад. «Мо аллакай чунин тренингҳои ҳаммонандро дар шаҳрҳои Турсунзода, Хуҷанд ва Конибодом баргузор намудем, ки дар он зиёда аз 70 имом-хатибонро истифода бурдани сомонаҳои иҷтимоиро омӯзондем», иброз дошт ӯ.

Ба гуфтаи Олимова, идеяи гузаронидани тренингҳои мазкурро барои имомон иштирокчиёни вохӯриҳо ва тренингҳо таклиф намуданд, ки ба муносибати пешгирии ҷалбшавии ҷавонон ба гурӯҳҳои экстремистӣ ва террористӣ бахшида шудааст. Гузаштани семинар ба имом-хатибон барои рад кардани даъватҳо ва баромадҳои ношоиста кӯмак мекунад, мегӯяд ӯ.

Хабарнигори Хабарҳо барои шарҳи ин мавзӯъ ба домулло Шокирхон аз шаҳри Душанбе муроҷиат намуд:

«Истифодабарии имом-хатибони масоҷид барои ташвиқот ба фоидаи сиёсати режим дар Тоҷикистон аз ҷониби ҳукумат тӯли даҳсолаҳо инҷониб амалӣ гардонида мешавад, вале ин натиҷаҳои интизоршударо наоварда истодааст. Зеро, ҷавонони имрӯза маълумотро, аз ҷумла илмҳои исломӣ бо воситаи лексия, суолу ҷавоб дар пахши мустақимро асосан аз интернет дастрас мекунанд. Ислом бошад дурӯягии режимро, секуляризм ва ноадолатии онро инкор мекунад, инчунин алайҳи ҳамаи ин мубориза бурданро водор месозад.

Тамоюли мазкур режимро сахт беқарор мекунад, зеро ба касе пӯшида нест, ки дар замони мо мардумони баъзе кишварҳо алайҳи ноадолатиҳои ҳокимони худ исён меварзанд ва сомонаҳои иҷтимоӣ дар ин нақшаи калонро мебозад. Вале, баҳонаҳои ба монанди мубориза алайҳи «гурӯҳҳои экстремистӣ ва террористӣ» ин танҳо ваҷҳест, ки барои гузаронидани назорати пурра аз болои зеҳнҳои мардуми кишвар, хусусан аз болои зеҳнҳои ҷавонон мебошад. Дар хусуси онҳо Аллоҳи Таоло дар Қуръон мефармояд:

يُنفِقُونَ أَمْوَالَهُمْ لِيَصُدُّوا عَن سَبِيلِ اللَّهِ

«Онҳо амволашонро харҷ мекунанд, то мардумро аз роҳи Худо боздоранд».

Ва боз мефармояд:

فَسَيُنفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ

«Молҳояшонро харҷ хоҳанд кард ва ҳасрат хоҳанд бурд, сипас мағлуб мешаванд».

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.