Тоҷикистон: воъизи исломӣ ба 12 соли зиндон маҳкум гардид

Тоҷикистон: воъизи исломӣ ба 12 соли зиндон маҳкум гардид

Воъизи маъруфи исломӣ Мулло Садриддин бо айби иштирок кардан дар ҳаракати исломии «Ҷамоати Таблиғ» ба 12 соли зиндон маҳкум гардид, дар ин хусус радиои Озодӣ ба наздикони маҳкумшуда такя карда иттилоо додааст.

Сокини 35 солаи шаҳри Кӯлоб Садриддин Муллоев ки пештар дар аъзоги «Ҷамоати Таблиғ» муттаҳам шудааст, аввали соли 2019 бо ваъдаи авф ба Тоҷикистон баргаштааст. Вале 21-уми сентябр Мулло Садриддинро барои сӯҳбат ба Прокуратураи генералӣ даъват мекунанд, сипас дар онҷо дастгир менамоянд. Дере нагузашта нисбати Мулло Садриддин парвандаи ҷиноии бофташуда бо айби ифротгароӣ (экстремизм) оғоз гардид.

Падари маҳкумшуда аз қарори Додгоҳ норозӣ аст. «Дар сухани охирин писарам ёдрас кард, ки ҳукумат бо ваъдаи авф ӯро ба ватан баргаштан бовар кунонид. Инчунин ӯ ёдрас кард, ки кӯдакони ноболиғро тарбия мекунад, вале додгоҳ инро ба инобат нагирифт ва ба 12 соли зиндон маҳкум намуд», — гуфт Хайриддин Муллоев.

Ёдрас мекунем, ки мақомоти кишвар дар соли 2015 ба Кодекси Ҷиноӣ ислоҳот ворид намуд, ки бинобар он ба маҳкумшудагони аъзоёни ин ё он ҳаракатҳо, аз он ҷумла ҳаракатҳои исломие, ки  пушаймон шудаанд қарори авф татбиқ мегардад.

Вале баъзе аз гӯён пушаймон шудагон пас аз баргаштан ба кишвар аз тарафи мақомот бо вуҷуди ваъдаи авф ва амният дастгир шуда истодаанд.

 

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.