Афғонистон: 60 нафар сокинони маҳаллӣ аз тарафи ҳавопаймои бесарнишини ИМА кушта шуд
Дар деҳаи Ҳироти Афғонистон дар натиҷаи ҳамлаи ҳавопаймои бесарнишини амрикоӣ ки ҳадафи он яке аз қумондонҳои толибон буд 60 нафар сокинони маҳаллӣ кушта шуд ва чанд тани дигар захмӣ гардиданд, дар ин хусус ОИ Фергана ба TOLOnews такя намуда иттило медиҳад.
Бинобар иттилои намояндаи шӯрои деҳа Вакил Аҳмад Кархӣ тибқи маълумоти ӯ шумораи кушта шудагон ва захмиён «хеле зиёд» аст.
Ба гуфтаи ӯ, талафи шаҳрвандон аз талафи толибон зиёд шудааст: мушоҳидони қазия дар хусуси 50 нафар кушташудагони сокинони маҳаллӣ нақл намуданд. Амалиёти махсус рӯзи 8-уми январ дар маҳалли Шиндонд амали гардидааст. Низомиёни амрикоӣ иброз доштаанд, ки амалиёти мазкур бинобар талаби қувваҳои амнияти Афғонистон гузаронида шудааст. Мақомоти Афғонистон чун ҳарвақта ваъда додаанд, ки қурбониҳои дар миёни мардумро тафтиш хоҳанд кард.
«Дар баъзе амалиётҳои мазкур ба хатоҳо роҳ дода мешавад, ҳоло тафтишот шурӯъ гардид ва рӯзҳои наздик муайян хоҳад шуд», — гуфт сардори полиси Ҳирот генерал Аминулло Амаркел.
Ба гуфтаи волии Ҳирот АбдулҚайум Раҳимӣ «Нофаҳми рух додааст». Ҳодисаи монанд бо қиркунии оммавии сокинони маҳаллӣ аз ҷониби ҳавопаймои бесарнишини амрикоӣ дар деҳаи Нангархари шарқи Афғонистон моҳи сентябри соли 2019 рух дода буд, ки дар он вақт дасти кам 30 нафар захмӣ гашта тақрибан 40 нафар коргарон ва фермерон кушта шуданд.
Тибқи иттилои омори бахши махсуси СММ оид ба ҳамкории Афғонистон дар нӯҳ моҳи аввали соли 2019 дар Афғонистон 2563 сокини маҳаллӣ кушта шуд, 5676 нафари дигар маҷруҳ шудаанд. Ин нишондоди баландтарини қурбониҳо дар миёни сокинони маҳаллии Афғонистон мебошад.
Ёдрас мекунем, ки дар соли 2017 ИМА бо баҳонаи мубориза алайҳи терроризм ба минтақаи Афғонистон бомбаеро партофт, ки вазни он 10 тоннаро ташкил мекунад. Бо ин кишвари Афғонистон барои низомиёни хориҷӣ ба машқгоҳи озмоишӣ табдил ёфтааст, ки метавонанд мардум бикушанд, сокинони маҳаллиро қир намоянду бидуни ҷазо бимонанд.
