• Home »
  • Habarho »
  • Тоҷикистон: таъмимшавии маданият ва забони русӣ

Тоҷикистон: таъмимшавии маданият ва забони русӣ

Сафири фавқулода ва мухтори Федератсияи Русия дар Тоҷикистон Игор Лякин-Фролов санаи 14-уми сентябр бо омӯзгороне, ки имсол аз Русия ба ҷумҳурӣ барои таълим додан омада буданд вохӯрд. Дар вақти вохӯри бо омӯзгорон Лякин-Фролов вазифаи асосии онҳоро қайд намуд: ба гуфтаи ӯ вазифаи асосии омӯзгорон таъмим додани маданият ва забони русӣ дар Тоҷикистон мебошад.

Дар навбати худ, раиси намояндагии «Россотрудничество» Михаил Вождаев ба омӯзгорон иброз намуд, ки бо дархости онҳо Вазорати маориф ба Тоҷикистон 3 346 адад китобҳои дарсӣ ва асарҳои бадеӣ адабӣ ирсол намуд.

Бояд қайд намуд, ки соли ҷорӣ дар чорчӯбаи лоиҳаи ҳамкориҳои гуманитарии русиву-тоҷикӣ дар соҳаи маориф аз Русия ба Тоҷикистон 50 нафар омӯзгорон ташриф оварда буданд. Тибқи шартномаи байниҳукуматӣ музди меҳнати омӯзгорон ба миқдори 60 ҳазор рубли русӣ дар як моҳ ҷониби Русия ба ӯҳда дорад, ҳукумати Тоҷикистон бошад ӯҳдадор аст, то ин ки омӯзгоронро бо ҷои зист ва пардохти хизматҳои маъишӣ онҳоро таъмин намояд.

Ба ақидаи мушоҳидон, амали мазкур ҳамчун ғасби мустамликаи маданиятиву-маърифатӣ буда, барои устувор гардонидани нуфузи вуҷуд доштаи русӣ дар Тоҷикистон мебошад. Пас аз барҳамхӯрии Иттиҳоди Шӯравӣ мардуми Тоҷикистон аз дасти ғуломкунандаи худ дур шуда меояд. Илова бар ин, сабаби асосӣ дар раванди мазкур бозгашти мардум ба мутобиқати исломӣ ва сиёсати Русия нисбати муҳоҷирони меҳнатӣ гардид. Ҳарчанд режими Раҳмон мутеъи пурраи Русия аст ва бечунучаро ба сиёсати Кремл итоат мекунад, ин маънои онро надорад, ки мардуми Тоҷикистон низ кӯркӯрона ба гузаронидани сиёсати русигардонӣ, азхудкунӣ ва устувор намудани нуфузи мустамликадории Русия пайравӣ мекунад.