• Home »
  • Habarho »
  • Дар Русия квота барои хориҷиён дар соҳаи сохтмон ихтисор карда мешавад

Дар Русия квота барои хориҷиён дар соҳаи сохтмон ихтисор карда мешавад

Дар Русия ҳиссаи коркунони хориҷӣ дар муассисаҳои соҳаи сохтмон нахустин бор маҳдуд карда мешавад. Тибқи иттилои РБК аз санаи 7-уми сентябр муовини сарвазир Татяна Голикова дар ҷаласаи Кумитаи сеҷонибаи Русия оиди ба танзим дарории муносибатҳои иҷтимоӣ меҳнатӣ изҳор намуд, ки ҳиссаи коркунони хориҷӣ дар соли 2019 набояд аз 80% зиёд гардад.

«Сатҳи ҳиссаи коркунони хориҷӣ дар соҳаи сохтмон 80% гузоштан таклиф намуда шудааст», гуфт Голикова. Тибқи маълумоти омори Русия аз соли 2017,  6,3 млн нафар дар соҳаи сохтмон кору фаъолият мекунанд, ки аксарияти ҳиссаи онро муҳоҷирони меҳнатӣ ташкил менамоянд, гуфт муовини сарвазир. «Вақтҳои охир дар соҳаи мазкур шумораи муассисаҳое, ки бо сатҳи баланди ҳиссаи коркунони хориҷӣ афзоиш ёфта истодааст, бинобар ин, коҳиш дода шудани ҳиссаи мазкур дар назар дошта мешавад», изҳор намуд Голикова.

Тибқи иттилои Вазорати меҳнат, ҳиссаи муассисаҳои сохтмонӣ, ки дар он шумораи коркунони хориҷӣ аз ҳисоби умумӣ ба 80-100% мерасад, дар соли 2016 аз 7,7% то 14,7% соли 2018 афзоиш ёфтааст.

Инчунин, дар соли 2019 назар ба соли 2018 коҳиш додани ҳиссаи коркунони хориҷӣ аз 28% то 26% дар соҳаи иқтисоде, ки нақлиёти мусофирбарӣ ва нақлиёти боркашонӣ фаъолият мекунанд таклиф карда шудааст, қайд намуд Голикова.

Ёдрас мекунем, ки қаблан муовини сардори вазири меҳнат Андрей Пудов изҳор намуда буд, ки сиёсати муҳоҷиратии Русия эҳтимол аст, ки тасҳеҳ карда мешавад, то ин ки воридоти муҳоҷирони меҳнатӣ пас аз баланд бардоштани синнусоли нафақавӣ ба шаҳрвандони калонсоли Русия барои ёфтани ҷои кор мамониат нагардад.

Коршиносон қайд мекунанд, ки чунин амалҳои ҳукумати Русия ба ҳеҷ ваҷҳ оқибатҳои ҷиддии ислоҳоти нафақавиро барои пиронсолон коҳиш намедиҳад, вале як тадбирҳои популистӣ мебошанд, ки барои хотрҷамъкунии кайфияти эътирозгарон нигаронида шудааст. Муҳоҷирони меҳнатие, ки ҳоло расман ёфтани ҷои кор ба онҳо дар Русия мушкил мешавад, чи тавре ки одат шудааст дар аксари ҳолат ҳамчун «зоғи аъло» боқӣ мемонанд.