Вазорати Мудофиаи ФР боз бо ҳамла аз ҷониби Афғонистон метарсонад
«Вазорати Мудофиаи Русия оид ба пешгирии мудохилаи ҷангиён аз шимоли вилоятҳои Афғонистон ба минтақаи ҳампаймонони СААД дар Осиёи Марказӣ чораҳо меандешад», — иброз намуд сардори хадамоти низомии рус Сергей Шойгу дар баромади худ рӯзи сешанбе дар ҷамъомади навбатии вазирони мудофиавии аъзоёни Ташкилоти Ҳамкориҳои Шонхоӣ дар шаҳри Пекин.
«Бинобар ин, базаҳои ҳарбии рус дар Тоҷикистон ва Қирғизистон бударо дар ҳолати тайёр буда нигоҳ доштан талош меварзем, инчунин бо яроқу аслиҳаҳо ва техникаи ҳарбии пешрафта муҷоҳозонида мешавад. Ба ҳамкорони худ дар минтақа барои устувор гардонии имкониятҳои низомии қувваҳои мусаллаҳ барои якҷоя истифода бурдан кӯмак мерасонем, — қайд намуд Шойгу.
Шойгу ёдрас намуд, ки моҳи марти соли ҷорӣ дар Тоҷикистон ва Қирғизистон омӯзиши зиддитеррористии дастаи-ситодӣ гузаронида шуд.
«Моҳи сентябр бошад омӯзиши ҳамкоронаи «Иссиқ Кӯл -зиддитеррор-2018″ бо истифодаи қӯшунҳои гуногуни низомӣ ба нақша гирифта шудааст». Моҳи октябр як қатор омӯзишҳои ҳамкоронаи СААД гузаронида мешавад. Ҳамаи ин пайдарпаӣ дар шаҳрҳои Қазоқистон, Қирғизистон, Русия ва Тоҷикистон дар асоси як лоиҳа шуда мегузарад», гуфт ӯ.
Ёдрас мекунем, ки яке аз намудҳои мустамликакунӣ ин мустамликаи ҳарбӣ мебошад, ки аз тарафи Русия дар кишварҳои Осиёи Марказӣ бо баҳонаи таъмин намудани бехатарии ин кишварҳо карда мешавад. Аз ин рӯ, Маскав маҷбур аст, ки баҳонаҳои гуногунро эҷод намояд, то ин ки бо баҳонаҳои зерин базаҳои ҳарбӣ ва нуфузи худро дар минтақаҳои кишварҳо, инчунин дар Тоҷикистон нигоҳ дорад.
