«Бо гум кардан ба қадраш мерасем»: бинобар набудани муҳоҷирони меҳнатӣ дар Русия, бӯҳрони қувваи корӣ оғоз ёфт

"Бо гум кардан ба қадраш мерасем": бинобар набудани муҳоҷирони меҳнатӣ дар Русия, бӯҳрони қувваи корӣ оғоз ёфт

Раиси шаҳри Москва Сергей Собянин иқрор шуд, ки дар робита бо хуруҷи муҳоҷирони меҳнатӣ бинобар пандемия ва бастани марзҳо шаҳри Москва мушкилотро аз сар мегузаронад. «Бале, мушкилиҳо мешаванд. Ин дуруст аст, зеро ҳар сол мо барои фасли зимистон муваққатан гурӯҳҳои тозакунии дастии иловагиро ба кор мегирем, хусусан дар маркази шаҳр. Сухан дар бораи ҳазорон нафар меравад, ки ба таври иловагӣ бо ин кор машғуланд», — гуфт раиси шаҳр.

Собянин инчунин қайд кард, ки дар соҳаи сохтмон низ норасоии коргар ба назар мерасад. «Мушкилот дар он аст, ки марзҳо бо кишварҳое, ки аз онҷо нерӯи кории зиёде ба сохтмонҳои мо меомаданд, баста шудааст ва, мутаассифона, онҳоро коргарони рус ҷойиваз карда наметавонанд», — гуфт шаҳрдори Москва.

Бояд қайд намуд, ки чунин вазъият дар бисёре аз шаҳрҳои Русия мушоҳида мешавад, масалан, тибқи иттилои нашрияи «СургутИнформ-ТВ», бинобар пандемия, аксарияти муҳоҷирони меҳнатӣ ворид шуда натавонистанд ва ё ҷойҳои кории каммуздро рад мекунанд, ки дар робита ба ин бисёре аз лоиҳаҳои сохтмон муваққатан қатъ карда шуданд.

Ёдрас мекунем, ки қабл аз фарорасии пандемия, мақомоти баландпояи Русия борҳо алайҳи муҳоҷирони Осиёи Марказӣ интиқодҳо, изҳорот ва тӯҳматҳои манфӣ изҳор карда буданд ва ғояи ҷорӣ кардани низоми раводид барои онҳо низ бо баҳонаи ниёз надоштан ба муҳоҷирони меҳнатӣ борҳо садо дода буд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.