Москва: дар идораи Иззат Амон кофтуков гузаронида шуд

Москва: дар идораи Иззат Амон кофтуков гузаронида шуд

Дар Маркази Тоҷикони шаҳри Москва ки дар хиёбони Волгоградский ҷойгир аст кофтуков гузаронида шуд, гуфт роҳбари марказ, ҳомии ҳуқуқ Иззат Амон дар Фейсбук.

“Адабиёти диниро ҷустуҷӯ мекарданд.  Хм…метавонистанд айби мувофиқтаре пайдо намоянд”, — менависад Иззат Амон дар Фейсбук.

Фармон «дар бораи гузаронидани чорабинии оммавии фаврӣ-ҷустуҷӯӣ, ташхиси биноҳо» таҳти имзои генерал-майор С.Н.  Кузмин, иҷрокунандаи вазифаи муовини сардори полис оид ба корҳои фаврии Сарраёсати ВКД Русия дар шаҳри Москва, ки нусхаи онро Иззат Амон нашр кардааст, гуфта мешавад, ки полис дар суроғаи Маркази Тоҷикон аз Холов И.А. шубҳа дорад ки  эҳтимолан таблиғи ифротгароии диниро анҷом медиҳад. Ба идораи мазкур мунтазам шахсони номаълуме ташриф меоранд, ки эҳтимолан шаклҳои радикалии исломро пайравӣ мекунанд, адабиёти экстремистиро (ба рӯйхати маводҳое, ки дар қаламрави Федератсияи Русия экстремистӣ эътироф шудаанд) меомӯзанд ва дар қаламрави Москва амалҳои ғайриқонунӣ иҷро мекунанд.»

“Полис замоне омад, ки ман дар идора набудам. Мо тақрибан якуним соат интизор шудем.  Вақте ки ба идора расидам ва дидам, ки шумораи кормандони полис маро дар даҳлези утоқи кориам мунтазиранд, ҳайрон шудам.  Чунин ба назар мерасид, ки онҳо барои дастгир кардани як ҷинояткори махсусан хатарнок омадаанд.

Ин ҷанобон бо тамоми рафтори худ ба ман чунон ишора намуданд: «мо медонем, шумо кистед ва бо чӣ кор машғул ҳастед, аммо фармон фармон аст.»  Ман фаҳмидам, ки фармони тафтиши идораи маро шахси сеюм фармоиш додааст инро ман аз дақиқаи аввали мулоқот бо полис дарк намудам. Боварӣ дорам, ки агар мақомоти ҳифзи ҳуқуқ ба фаъолияти ман оид ба ҳуқуқи инсон заррае шубҳа медоштанд, оқибатҳои ин кофтуков ва тафтиш харобиовар хоҳанд буд», — изҳор дошт Иззат Амон дар саҳифаи худ дар Фейсбук.

«Бори дигар итминон шудам, ки фаъолиятҳои ҳуқуқи инсон дар Русия бехатар нестанд.  Ҳамгироии муҳоҷирон ба ҷомеаи Русия барои касе фоидае надорад, на ба мақомоти ҶТ ва на ба Федератсияи Русия.  Мо бояд идораро бубандем ва дубора ба муҳоҷират равем», суханонашро ба поён расонид ҳомии ҳуқуқ.

Ёдрас мекунем, ки қаблан мақомоти ҳифзи ҳуқуқи Тоҷикистон кӯшиш карда буданд, ки алайҳи Иззат Амон бар асоси моддаи 307 (даъват ба фаъолияти экстремистӣ) парвандаи ҷиноӣ боз кунанд. Сабаби оғози парвандаи ҷиноӣ паёми видеоӣ буд, ки онро Иззат Амон дар сомонаи YouTube бо номи «Чаро ҳукумат ҳиҷобро манъ мекунад?» нашр кардааст. Дар ин видеои 30-дақиқаӣ, фаъоли ҳуқуқи башар дар Тоҷикистон таъсиси як гурӯҳи кории махсусро барои таҳияи қонуни махсус, ки бояд ба занону духтарон ташриф овардан ба муассисаҳои давлатӣ ва хусусӣ ҳиҷобро манъ мекунад, инчунин рейдҳои махсус алайҳи занони ҳиҷобдорро, ки дар саросари кишвар гузаронида мешаванд, танқид кардааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.