Боз маршировка: Осиёи Марказӣ ба Рӯзи истиқлолият омодагӣ мегирад
Хабарнигорони «Хроника Туркменистана» хабар медиҳанд, ки аз аввали моҳ дар Ашқобод тамрини таҷлили Рӯзи истиқлолият идома дорад.
Пагоҳирӯзӣ аз соати 6:30 то 8:30 кормандони муассисаҳои давлатӣ ва буҷавӣ дар варзишгоҳи «Дагдан» маршировка мекунанд ва сипас ба кор мераванд. Дар корхонаҳо коргарон ба ду гурӯҳ тақсим шуда, ҳар рӯз ба варзишгоҳ мераванд. Дар маршировка низомиён ва донишҷӯён низ иштирок мекунанд.
Барои режимҳои кишварҳои Осиёи Марказӣ таҷлили густурдаи ба истилоҳ “рӯзи истиқлолият” як амали маъмулӣ шудааст. Ҳамчун мисол, дар Тоҷикистон донишҷӯён ва мактаббачагон дар зери офтоби сӯзон беш аз як моҳ аст, ки дар тамрини намоишнома барои ифтитоҳи боғи нави маҷмааи “Истиқлол” ширкат мекунанд.
Майдони Истиқлол дар 30 гектари замин ҷойгир буда, 2,7 гектари он макони баргузории чорабиниҳои сиёсӣ мебошад. Сохтмони боғ соли 2020 оғоз шуда, барои он биноҳои истиқоматии кӯчаҳои Саид Носир, Ҳабиб Аҳрорӣ, Ойгул ва Фазлиддин Шаҳобов, ки дар он беш аз сесад оила зиндагӣ мекарданд, тахриб шуданд. Ба гуфтаи сокинони кӯчонидашуда, ҷубронпулӣ барои манзил аз арзиши бозор камтар пардохт карда шудааст. Онҳоеро, ки бо чунин арзиши ҷубронпулӣ розӣ нестанд, зуд-зуд ба сӯҳбат бо намояндагони мақомоти ҳифзи ҳуқуқ даъват карда мешуданд, то онҳоро маҷбур бикунанд.
Мақомоти тоҷик аслан қасд доштанд, ки боғи мазкурро то моҳи сентябри соли 2021, дар рӯзи таҷлили 30-умин солгарди «Рӯзи истиқлолият» ифтитоҳ кунанд, ки онро намояндагони расмии мақомот борҳо эълон карда буданд.
