• Home »
  • Habarho »
  • Тоҷикистон дар ботлоқи қарз қарор дорад

Тоҷикистон дар ботлоқи қарз қарор дорад

Хавфи ноустувории қарз нисбат ба қарзи берунии Тоҷикистон аз сатҳи паст ба сатҳи боло афзоиш ёфтааст. Оиди мавзӯи зерин дар маърӯзаи иқтисодии Бонки ҷаҳонӣ «Тағйирёбии муҳити минтақавӣ: аз ин фоида гирифтан муҳим аст» оварда шудааст.

Чи тавре ки «Авесто» менависад тибқи санади мазкур сатҳи қарзи давлатӣ ва ионатӣ хеле боло рафта, дар охири соли 2017 50% аз ММД ташкил намуд, яъне ҳудуди муайяншударо, ки тибқи қоидаи фискалии дохилӣ 40% аз ММД мебошад убур намуд. Айни замон қарзи умумии хориҷии кишвар бошад $2 млрд. 859,7 млн ро ташкил намуд.

Ғайр аз ин, ҳарчанд қарзи умумии давлат афзоиш ёбад ҳам, ҳукумати кишвар хусусан, Бонки Милли Точикистон дар намояндагии муовини раиси бонк Ҷамолиддин Нуралиев бо баҳонаи эҳтиёҷ ва рушди иқтисоди кишвар маблағгузориҳои иловагӣ аз Фонди асъори байналмиллалӣ ва дигар ташкилотҳои молиявӣ талаб менамоянд. Хусусан, санаи 17-уми апрели соли ҷорӣ дар вохӯрӣ бо раисони ташкилотҳои молиявӣ дар шаҳри Ню-Йорк Нуралиев аз онҳо маблағгузории иловагӣ талаб намуда буд.

Ёдрас мекунем, ки дар Ислом қарзҳои фоизнок гирифтан манъ буда яке аз гуноҳҳои бузург ба ҳисоб меравад. Инчунин, мутахассисон қайд мекунанд, ки ташкилотҳои қарздиҳии байналмиллалӣ дар намояндагии Фонди асъори байналмиллалӣ ва Бонки ҷаҳонӣ яке аз воситаҳои назорати геополитикӣ мебошанд, ки давлатҳои абарқудрат бо ёрии онҳо кишварҳои хурдро дар зери нуфузи худ қарор медиҳанд. Бинобар ин, мустамлика будан аз ҷиҳати иқтисодӣ ва гум кардани соҳибихтиёрии худ нисбати кишвари қарздиҳанда ногузир мебошад.