Шиканҷаҳо дар Ӯзбекистон: «Дар муддати 12 рӯз халта ба сар бор карда мезаданд”

Духтари Насиба Узоқова, ки санаи 13-уми ноябри соли 2017 бо айби «экстремизм» дастгир шуда буд, дар ҳамсӯҳбат бо радиои BBC оиди шиканҷаҳои шадид нисбати модараш карда шуда баёноте дод. Ба гуфтаи Азиза Узоқова духтари дастгиршуда аз сабаби ба сар зарбаҳои сахт хӯрдан аз бинии модараш моеъи зардоб мебарояд. Вохӯриро бо модараш пас аз ба итмом расидани корҳои тафтишотӣ иҷозат доданд.

«Тибқи гуфтаҳои модарам дар тӯли 12 рӯз ҷавонон пешакӣ ба сараш халта бор карда ба тамоми аъзоҳои баданаш ва ба сараш бо калтак мезаданд. Дар натиҷаи шиканҷаҳои шадид аз бинияш моеъи зардоб мебарояд. Айни замон ӯ истифода аз доруворие, ки имкон қадар ба ӯ мерасонем бо худтабобаткунӣ машғул аст», мегӯяд Азиза Узоқова.

Ёдрас мекунем, ки каме пеш дигар духтари Насиба Узоқова, Умеда Узоқова, ки хамроҳи модараш ва бародараш Муҳаммадамин дастгир шуда буд, дар мактуби кушод дар хусуси истифода шудани шиканҷаҳои шадид нисбати онҳо, барои гирифтани нишондодҳои эътирофӣ нақл намуд.

«Дар тӯли 17 рӯз ман бо модарам ва бародарам дар ШВКД-и шаҳри Тошканд қарор доштем, дар ин муддат барои гирифтани нишондодҳои эътирофиям маро сахт шиканҷа намуданд. Кормандони фаврӣ ба ман гуфтанд: Агар нишондод надиҳам либосҳоямро бадар намуда ба камераи телефон сурат мегиранд ва ба интернет нашр менамоянд, ё ин ки ба яке аз утоқе дар таҳхона ҳамроҳи таҷовузкорон  ҷо мекунанд, ва дар рӯбарӯям модарам ва шавҳарамро  мегузоранд, ки шоҳиди чунин ҳолат гарданд. Сардори онҳо фармуд, ки мобайни пойҳоям калтакро андозанд ва гуфт «агар бимирад, боке надорад бо як акт аз ҳисоб мебароретон», гуфта мешавад дар мактуби Умеда Узоқова, ки дар сомонаи Фейсбук пахш шудааст».

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.