• Home »
  • Habarho »
  • Дар Тоҷикистон ба КҶ ислоҳотҳо дароварда шуд

Дар Тоҷикистон ба КҶ ислоҳотҳо дароварда шуд

Эмомалӣ Раҳмон дароварда шудани лоиҳаи ислоҳотҳо ба КҶ ҶТ оиди сахт намудани ҷазо барои даъвати оммавӣ ба терроризм дар интернет, сафедкунии оммавии фаъолияти террористӣ дар сомонаҳои иҷтимоӣ тасдиқ кард. Ислоҳотҳои мазкур каме пеш аз ҷониби палатаи поини парлумон қабул гардида, аз ҷониби палатаи болои парлумони Тоҷикистон тасдиқ гардид. Дар ин хусус санаи 4-уми август хадамоти матбуотии раисҷумҳур иттилоъ дод.

«Тибқи ислоҳотҳои нав барои даъвати оммавӣ ба фаъолияти террористӣ ва сафедкунии терроризм бо маҳрум сохтан аз озодӣ ба мӯҳлати аз 10 то 15 сол ҷазо таъйин гардидааст».

3-4 соли охир дар Тоҷикистон барои «лайк» ва «репост» намудан дар сомонаҳои иҷтимоӣ якчанд шаҳрвандони кишвар ба мӯҳлатҳои тӯлонӣ маҳкум гардиданд. Бо вуҷуди ин, тоҷикистониёни боилтифот ба худсарии ҳукумат нисбати сокинони кишвар карда истода хомуш нестанд.

 Бояд қайд намуд, ки сомонаҳои иҷтимоӣ ягона манбаест, ки сокинони Тоҷикистон аз он маълумотҳои объективиро дастраст менамоянд ва паҳн мекунанд. Дар натиҷа аз озодӣ маҳрум мешаванд.

Ёдрас мекунем, ки ҳолатҳои даровардани ислоҳотҳои мазкур ба КҶ ҶТ якумин бор нест: тӯли даҳсолаҳо аст, ки аз тарафи режим ба кодекси ҷиноӣ иловаҳои гуногун нисбати мубориза алайҳи гӯё терроризму экстремизм дароварда мешавад ва барои хадамоти махсус имконияти васеъ барои шарҳ намудани нормаҳои қонун дар решаканд намудани дигарандешӣ ва пешгирии сади роҳи бедории Исломӣ шароитҳои фароҳам пайдо мегардонад.